2 Ruodhi 13:3 - MUMA MALER 2015

³ Ruoth Nyasaye nokecho gi jo-Israel, mi nothoro ketogi e lwet Hazael ruodh Aram, kendo e lwet Ben-hadad ma wuode.

Motingʼo Loko Manyien

³ Kuom mano Jehova Nyasaye nokecho gi jo-Israel kendo kuom ndalo mangʼeny noweyogi e bwo loch Hazael ruodh Aram kod Ben-Hadad wuode.

2 Ruodhi 13:3 ပူးပေါင်းရင်းမြစ်များ

1 Ruodhi 19:17

Ng’at ma Hazael ok onego, Jehu noneg; to ng’at ma Jehu ok onego, Elisha noneg.

2 Ruodhi 12:17

E ndalogo, Hazael ruodh Aram nodhi kedo gi jo-Gath, mi nokawo dalagi. Bang’ mano, noikore mondo odhi omonj Jerusalem.

2 Ruodhi 13:22

Hazael ruodh Aram ne thago jo-Israel ndalo duto mag loch Jehoahaz.

2 Ruodhi 17:20

Omiyo Ruoth Nyasaye nodagi nyikwa Israel duto. Nothagogi moketogi e lwet wasigu mane peyogi to achien nogologi e pinygi.

Jeremia 49:27

Anamok mach e ohinga mar Damaski, kendo nawang’ ut ruoth Beh-hadad pep.”

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Amos 4:10

“Ne akelonu yamo marach mar tho machal gi mano mane akelo ni jo-Misri. Bende namiyo yawuotu mang’eny otho e lweny, kendo amayou fareseu. Ne amiyo mifuond jomotho e kambeu othing’ou. To kata kamano ne ok uduogo ira.

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Jo-Hibrania 12:29

nikech Nyasachwa en mach ma tieko gik mowang’o duto.

Jong’ad Bura 2:14

Omiyo Ruoth Nyasaye nokecho kodgi, mi nochiwogi e lwet mony moyakogi. To bende noketogi e lwet wasikgi duto mane olworogi, mi koro ne ok ginyal sirogi kata matin.

Jong’ad Bura 3:8

Kuom mano, Ruoth Nyasaye nokecho kodgi, mochiwogi e lwet Kushan-rishathaim ruodh Mesopotamia, mi gibedo e bwo lochne kuom higni aboro.