2 Ruodhi 13:23 - MUMA MALER 2015

²³ To Ruoth Nyasaye nong’wononigi, kendo nokechogi, koparo singruok mane otimo gi Ibrahim kendo gi Isaka kod Jakobo. Emomiyo ne ok otiekogi, kata witogi oko ne ok owitogi.

Motingʼo Loko Manyien

²³ To Jehova Nyasaye notimonegi ngʼwono, kech kod miwafu koparo singruok mane otimo gi Ibrahim, Isaka kod Jakobo. To nyaka chil kawuono Jehova Nyasaye pok obedo gi paro mar tiekogi kata riembogi e wangʼe.

2 Ruodhi 13:23 ပူးပေါင်းရင်းမြစ်များ

Chakruok 6:3

Eka Ruoth Nyasaye nowacho niya, “Mucha ma chiwo ngima ok nodag e chuny dhano nyaka chieng’, nikech dhano en mana ringruok matow. Chakre tinendeni, onge ng’ama nodag moloyo higni mia achiel gi piero ariyo.”

1 Ruodhi 8:28

Kata kamano, Ruoth Nyasaye ma Nyasacha, yie mondo iwinj lemona gi kwayona, kendo iwinj ywakna makeloni tinende,

2 Ruodhi 13:24

Kane Hazael ruodh Aram otho, Ben-hadad wuode nodoko ruoth kare.

2 Ruodhi 13:4

To Jehoahaz nosayo Ruoth Nyasaye, mi Ruoth Nyasaye nowinje, nikech noneno kaka ruodh Aram sando jo-Israel.

2 Ruodhi 14:26

Kane Ruoth Nyasaye oneno ni masich jo-Israel lit ahinya, kendo onge ng’ato kata achiel manyalo konyogi, nomiyo Jeroboam wuod Jehoash oresogi,

2 Ruodhi 14:27

nikech nosewacho ni ok noruch nying jo-Israel oko.

2 Ruodhi 17:18

Kuom mano, Ruoth Nyasaye nokecho ahinya gi jo-Israel, mi noriembogi e nyime, ma onge modong’ mak mana jo-Juda kende.

2 Ruodhi 17:20

Omiyo Ruoth Nyasaye nodagi nyikwa Israel duto. Nothagogi moketogi e lwet wasigu mane peyogi to achien nogologi e pinygi.

2 Ruodhi 17:23

nyaka Ruoth Nyasaye nogologi e nyime, kaka nosemiyo jonabine duto owacho. Nodarogi moterogi Asuria, kuma gintie nyaka chil kawuono.

2 Ruodhi 24:20

Jo-Jerusalem gi jo-Juda nomiyo Ruoth Nyasaye mirima, nyaka nogologi e nyime.

Zaburi 105:8

Obiro rito singruokne nyaka chieng’ kuom tienge gana gi gana.

Zaburi 105:9

En singruok mane otimo ni Ibrahim, kendo mane otimo ni Isaka.

Zaburi 106:45

Ne oparo singruok mane otimonigi, mi oloko parone nikech herane maduong’,

Zaburi 51:11

Kik iriemba e wang’i, bende kik imaya Roho mari maler.

Zaburi 78:38

En to nokechogi, mong’wononigi kuom richogi, mi ok otiekogi. Kinde mathoth ne omwonyo mirimbe, nikech ne ok odwar kecho kodgi.

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Wuok 33:19

Ruoth Nyasaye nodwoke ni, “Abiro miyo berna duto kadh buti, kendo anahul nyinga ma JEHOVA mana kiwinjo. Anaher ng’at ma adwaro hero, gi hera mosiko, bende anakech jalo ma adwaro kecho.”

Jeremia 12:15

To ka asepudhogi oko kamano, eka anakechgi, mi aduog oganda ka oganda e lope, kendo e pinye owuon.

Ywagruok 3:32

Kata obedo ni okumo ji malit, to ong’wononigi bende gi herane mogundho mosiko,

Tim jo-Lawi 26:42

Eka anapar singruok mane atimo gi Jakobo kendo gi Isaka kod Ibrahim, kendo napar pinyu.

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

2 Jo-Thesalonika 1:9

Giniyud kum ma en lal ma nyaka chieng’, koriembgi mabor gi tekone man gi duong’.

Jong’ad Bura 10:16

Kuom mano ne giwito nyisechegi manono, mi gilamo Ruoth Nyasaye. Eka Ruoth Nyasaye nokechogi kuom thagruokgi.