2 Ruodhi 13:19 - MUMA MALER 2015

¹⁹ To Elisha, ng’at Nyasaye, nokecho kode, mowachone niya, “Da bed ni ichielo piny nyadibich kata nyadiuchiel, to eka da itieko jo-Aram chuth, to koro inilogi mana nyadidek kende.”

Motingʼo Loko Manyien

¹⁹ Elisha ngʼat Nyasaye nokecho kode mowacho niya, “Nonego ichwogi piny nyadibich kata nyadiuchiel; eka dine iloyo jo-Aram mitiekogi chuth, to sani to ibiro loyogi mana nyadidek kende.”

2 Ruodhi 13:19 ပူးပေါင်းရင်းမြစ်များ

2 Ruodhi 13:18

Nowachone kendo niya, “Koro kaw aserini modong’.” Kane ruoth osekawogi, Elisha nowachone ni, “Chiel piny kodgi.” Mi nochielo piny nyadidek, moweyo.

2 Ruodhi 13:25

Jehoash wuod Jehoahaz nomayo Ben-hadad wuod Hazael mier mane Hazael ogolo e lwet Jehoahaz wuon mare e lweny. Jehoash noloyo Ben-hadad nyadidek, mi nodwoko miergo ni Israel.

2 Ruodhi 4:16

Elisha nowachone niya, “Due makama, higa mabiro, inibed gi nyathi ma wuowi.” To dhakono nodwoke niya, “Ooyo, ruodha, kik iwuonda!”

2 Ruodhi 4:40

Eka notok ni ji mondo ocham. To kane gichako chiemo, ne giywak niya, “Yaye, ng’at Nyasaye, ang’o manie agulu ma negowani?” Mi ne ok ginyal chiemo.

2 Ruodhi 5:20

Gehazi ma jatich Elisha ng’at Nyasaye, noparo niya, “Ruodha oseweyo Naaman ma ja-Aram odhi mak okawo mich ma nokelo. Gi nying Ruoth Nyasaye, abiro lawe mondo ayudie gimoro kuome.”

2 Ruodhi 6:9

To ng’at Nyasaye nooro ni ruodh Israel wach, kanyise niya, “Kik iluw yorno, nikech jo-Aram obuto kuno.”

Jeremia 48:10

(Okuong’ ng’at ma ok otiyo tich Ruoth Nyasaye gi chunye duto! Bende okuong’ ng’at ma ok oneko gi liganglane.)

Tim jo-Lawi 10:16

Musa nopenjo wach diel mane otimgo misango mar golo richo, mi ne onyise ni osewang’e. Omiyo mirima nomake gi Eleazar kod Ithamar ma yawuot Harun mane odong’. Nopenjogi niya,

Kwan 16:15

Kane Musa owinjo wechegigo, mirima mager nomake, mi owacho ni Ruoth Nyasaye niya, “Kik idew ng’ur ma ging’urgono. Pok amayogi kata mana kanyna achiel, bende pok atimo marach ni ng’ato ang’ata kuomgi.”

Mariko 10:14

Kane Yesu oneno ka jopuonjrene kwero jogo kamano, nosin, mi owacho ni jopuonjrene niya, “Weuru nyithindo obi ira! Kik utamgi, nikech joma kamagi ema yudo gweth mar Loch Nyasaye!

Mariko 3:5

Kane Yesu oneno ka chunygi tek, chunye nodoko malit, mi orangogi gi mirima. Eka nowacho ni ng’atno niya, “Rie lweti.” Ng’atno norieyo lwete, mi lwete ochango.

Mariko 6:5

Ne ok onyal timo honni kuno, mak mana ni noketo lwete kuom jomoko manok, mochango.