2 Ruodhi 12:4 - MUMA MALER 2015

⁴ Joash nowachone jadolo niya, “Kawuru pesa duto michiwo ni Ruoth Nyasaye ma ji kelo e Hekalu, bed ni en solro momi ng’ato ka ng’ato mondo ogol, kata en pesa ma ng’ato chiwo kuom herone.

Motingʼo Loko Manyien

⁴ Joash nowachone jodolo niya, “Chokuru pesa duto mokel kaka chiwo mag pwodhruok e hekalu mar Jehova Nyasaye; pesa moyudi e kwano ji, pesa moyudi e singruok mar ngʼato e ngimane kod pesa ma ngʼato ochiwo kuom hero mare owuon.

2 Ruodhi 12:4 ပူးပေါင်းရင်းမြစ်များ

1 Ruodhi 3:2

Ji pod ne timo misango e hembko mane ni kuonde moting’ore, nikech ot moger ni Ruoth Nyasaye ne pod onge ndalogo.

1 Ruodhi 3:3

Solomon nohero Ruoth Nyasaye, koluwo chik Daudi wuon mare, mak mana ni notimo misango, kendo nowang’o ubani, e hembko mane ni kuonde moting’ore.

1 Ruodhi 7:1

Solomon nogero dalane owuon kuom higni apar gadek, eka otieko gere.

2 Ruodhi 12:18

To Joash ruodh Juda nokawo gik moko duto mane Jehoshafat gi Jehoram kod Ahazia osechiwo ni Ruoth Nyasaye. (Kwerene adekgo duto nosebet ruodhi mag Juda.) Gigo duto Joash nooro ni Hazael ruodh Aram, kaachiel gi gik moko mane en owuon osechiwo ni Ruoth Nyasaye, kaachiel gi dhahabu duto mane nie kar keno mar Od Ruoth Nyasaye, kod kar keno mar od ruoth. Mi Hazael ne ok omonjo Jerusalem.

2 Ruodhi 12:5

Tiuru gi pesago kuom kuonde mokethore e Hekalu.”

2 Ruodhi 14:4

to kata kamano hembko mane ni kuonde moting’ore ne ok okethi, kendo ji ne pod timo misengni, kendo wang’o ubani kuondego.

2 Ruodhi 15:4

To kata kamano hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

2 Ruodhi 16:4

Bende notimo misengni, kendo nowang’o ubani, e hembko ewi gode, kendo e tiend yath moro amora motimo otiep.

2 Ruodhi 17:11

Ne giwang’o ubani kuondego duto, kaka ogendini mane Ruoth Nyasaye oriembo e pinyno ne timo, kendo ne gitimo timbe mamono, mane omiyo Ruoth Nyasaye mirima.

2 Ruodhi 22:4

“Dhiyo ir Hilkia jadolo maduong’, inyise mondo okwan kar romb pesa mosekel ei Od Ruoth Nyasaye, ma jorit osechoko kuom ji.

1 Weche mag Ndalo 18:11

Magi bende ruoth Daudi nochiwo ni Ruoth Nyasaye, kaachiel gi fedha kod dhahabu ma noyako kuom ogendni mamoko duto mane oseloyo, kaka jo-Edom gi jo-Moab gi jo-Amon gi jo-Filistia kod jo-Amalek.

1 Weche mag Ndalo 29:17

A Nyasaye, ang’eyo ni inono chuny dhano, kendo adiera ema ihero. Asemiyi chiwogi duto gi mor kendo gi chuny makare, to koro amedo bedo gi ilo kaneno jogigi, bende ka goloni chiwo gi mor.

2 Weche mag Ndalo 15:18

Nokawo fedha gi dhahabu kod gik lemo, mi oketo e Od Nyasaye. Moko ne gin gik mane wuon mare ochiwo ni Nyasaye, to moko en ema nochiwo.

2 Weche mag Ndalo 31:12

ne gikano chiwo mag achiel kuom apar, kod gik mochiw ni Ruoth Nyasaye kaka nochikgi. Konania ja-Lawi ne jarit maduong’ mar gigo, kendo Shimei omin mare nobedo jalupne,

2 Weche mag Ndalo 35:2

Noketo jodolo e tijegi, mojiwogi mondo giti maber e Od Ruoth Nyasaye.

Ezra 1:6

Mi jogweng’gi duto nokonyogi gi fedha gi dhahabu gi jamni gi gik mamoko, kod gik ma nengogi tek, kaachiel gi gik mane ng’ato ka ng’ato ochiwo kuom herone.

Ezra 2:69

Ne gichiwo dhahabu moromo kilo alufu aboro, gii fedha moromo kilo alufu adek, kod lep dolo mia achiel, kar nyalogi.

Ezra 7:16

kaachiel gi fedha duto kod dhahabu ma inyalo yudo e piny Babulon duto, kanyakla gi mich ma jo-Israel gi jodolo ochiwo kuom herogi ni tich Od Nyasachgi man Jerusalem.

Wuok 35:22

Mon gi chwo nobiro, kendo ng’ato ka ng’ato ma noyie golo chiwo nokelo ngaga gi sitadi gi bony gi mula kod gimoro amora maber mar dhahabu. Ji duto nokelo ni Ruoth Nyasaye chiwo mag dhahabu,

Wuok 35:29

Jo-Israel duto machwo gi mamon mane oyie golo chiwo ni tich duto mane Ruoth Nyasaye osechiko Musa ni mondo otim, nokelo ni Ruoth Nyasaye michgi.

Wuok 35:5

“Ruoth Nyasaye nosechiko ni mondo uchiwne mich. Ng’ato ka ng’ato moyie timo kamano, mondo okelna chiwo mag dhahabu kod mula,

Wuok 36:3

Nomiyogi chiwo mane jo-Israel okelo mondo olosgo Kama Ler. To jo-Israel nomedo mana kelo chiwo ni Musa okinyi kokinyi,

Tim jo-Lawi 27:31

Ka ng’ato dwaro waro gimoro kuom achiel kuom apar mag gige, to nyaka omedie achiel kuom abich mag gigo.

Luka 21:4

nimar ji mamoko osechiwo mana gik ma gigolo kuom mwandugi. En to, kata obedo ni odhier kamano, to osechiwo duto ma dokonyrego.”