2 Ruodhi 12:18 - MUMA MALER 2015

¹⁸ To Joash ruodh Juda nokawo gik moko duto mane Jehoshafat gi Jehoram kod Ahazia osechiwo ni Ruoth Nyasaye. (Kwerene adekgo duto nosebet ruodhi mag Juda.) Gigo duto Joash nooro ni Hazael ruodh Aram, kaachiel gi gik moko mane en owuon osechiwo ni Ruoth Nyasaye, kaachiel gi dhahabu duto mane nie kar keno mar Od Ruoth Nyasaye, kod kar keno mar od ruoth. Mi Hazael ne ok omonjo Jerusalem.

Motingʼo Loko Manyien

¹⁸ To Joash ruodh Juda nokawo gik moko duto mowal mane kwerene kaka Jehoshafat, Jehoram kod Ahazia mane gin ruodhi mag Juda osechiwo ne Jehova Nyasaye. Gigo duto Joash noorone Hazael ruodh Aram, kaachiel gi gik moko duto mane en owuon osechiwo ne Jehova Nyasaye; kaachiel gi dhahabu duto mane ni e kar keno mar hekalu mar Jehova Nyasaye kod kar keno mar od ruoth kendo Hazael ne ok omonjo Jerusalem.

2 Ruodhi 12:18 ပူးပေါင်းရင်းမြစ်များ

1 Ruodhi 14:26

Nokawo mwandu duto mag Hekalu mar Ruoth Nyasaye, gi mag od ruoth. Bende nokawo kuodi duto mag dhahabu mane Solomon oloso,

1 Ruodhi 15:18

Eka Asa nokawo fedha gi dhahabu duto ma nodong’ kuom mwandu mag Od Ruoth Nyasaye kod mag ode owuon, momiyo jotichne mondo okow ni Ben-hadad ruodh Aram, ma wuod Tabrimmon, wuod Hezion, ma nodak Damaski. Noorone wach niya,

2 Ruodhi 12:19

Weche moko mag Joash, gi timbene duto, ondiki e Kitap Weche mag Ndalo mag Ruodhi mag Juda.

2 Ruodhi 12:4

Joash nowachone jadolo niya, “Kawuru pesa duto michiwo ni Ruoth Nyasaye ma ji kelo e Hekalu, bed ni en solro momi ng’ato ka ng’ato mondo ogol, kata en pesa ma ng’ato chiwo kuom herone.

2 Ruodhi 14:14

Nokawo dhahabu gi fedha kod gik moko duto mane onwang’o e Od Ruoth Nyasaye, kod kar keno mar od ruoth, bende nokawo ji moko, motueyo ka gir singo. Eka nodok Samaria.

2 Ruodhi 16:8

Bende Ahaz nokawo fedha gi dhahabu mane nie Od Ruoth Nyasaye kod kar keno mar od ruoth, mooro ni ruodh Asuria kaka chiwo.

2 Ruodhi 8:12

Hazael nopenje niya, “Jaduong’, iywago ang’o?” Nodwoke niya, “Aywak nikech ang’eyo kaka ibiro sando jo-Israel. Iniwang’ miechgi mochiel gi ohinga, kendo inineg yawuotgi marateke. Inikidh nyithindgi matindotindo, bende iniried iye mondegi mayach.”

2 Weche mag Ndalo 16:2

Eka Asa nokawo fedha gi dhahabu kuom mwandu mag Od Ruoth Nyasaye kod mag ode owuon. Noorogi ni Benhadad ruodh Aram ma nodak Damaski gi wach niya,

2 Weche mag Ndalo 24:17

Kane Jehoyada osetho, jodong Juda nolondho ruoth, mi noyie luwo riekogi.

Joel 3:5

Usekawo fetha gi dhahapa, kendo utero giga ma nengogi tek kuondeu mag lemo.