2 Ruodhi 12:10 - MUMA MALER 2015

¹⁰ To kane gineno ni pesa ng’eny e sanduk, to jagoro mar ruoth gi jadolo maduong’ ne jodhi e Od Ruoth Nyasaye kwano pesa, kendo tueyogi e kirope.

Motingʼo Loko Manyien

¹⁰ Kinde duto mane gineno ka pesa opongʼo sanduku, jagoro maka ruoth kod jadolo maduongʼ ne biro kwano pesa mane okel e hekalu mar Jehova Nyasaye kendo ketogi e mifuke.

2 Ruodhi 12:10 ပူးပေါင်းရင်းမြစ်များ

2 Samuel 20:25

Sheva ne jagoro, kendo Zadok gi Abiathar ne jodolo.

2 Samuel 8:17

Zadok wuod Ahitub, kod Ahimelek wuod Abiathar ne jodolo. Seraya to ne jagoro.

2 Ruodhi 12:11

Eka ne gimiyogi nyipeche mane rito tich loso Hekalu, nikech nyipechego ema ne chulo jopecho gi jogedo

2 Ruodhi 19:2

Nooro Eliakim ma jaduong’ ode gi Shebna ma jagoro kod jodolo madongo ir janabi Isaya wuod Amoz ka jorwako piende gugru,

2 Ruodhi 22:12

Eka nochiko Hilkia jadolo, gi Ahikam wuod Shafan gi Akbor wuod Mikaya, gi Shafan jagoro, kod Asaya jatich ruoth, niya,

2 Ruodhi 23:4

Eka ruoth nochiko Hilkia jadolo maduong’, gi jadolo maluwe, kod jorit dhoot, ni mondo gik moko duto milamogo Baal gi siro miluongo ni Ashera kod sulue, ogol e Od Ruoth Nyasaye. Nowang’ogi e bath Jerusalem e paw aora Kidron, mi notero buchgi nyaka Bethel.

2 Ruodhi 5:23

Naaman nodwoke niya, “Yie mondo ikaw kilo piero auchiel.” Nochuno Gehazi, momiyo kilo piero auchiel mag fedha e kirope ariyo, kod lewni ariyo. Nomiyo jotichne ariyo mondo oting’gi, ka gitelo e nyim Gehazi.

1 Weche mag Ndalo 9:19

Shalum wuod Koreah, ma wuod Abiasaf, wuod Kora, kaachiel gi owetene ma jo-Kora ne rito rangeye mag Hema Maler kaka kweregi ne rito rangeye mag kambi jo-Ruoth Nyasaye.

2 Weche mag Ndalo 24:11

E kinde ka kinde mane jo-Lawi onenoe ka pesa ng’eny e sanduk, ne gitere ni jodong ruoth. Eka jogoro mar ruoth gi jatich jadolo maduong’ ne jobiro mondo okaw sanduk. Kane gisegolo pesa, ne gidwoko sanduk kare. Kamano e kaka ne gitimo pile pile, mi ne gichoko pesa mogundho.

Ezra 3:7

Jogedo gi jopa kite ne gimiyo pesa, to jo-Sidon gi jo-Turo ne gimiyo chiemo gi gik mimadho kod mo, mondo odhi Lebanon, okwang’ yiend sida nyaka dhowath Jopa. Kuros ruodh Persia ema nosemiyogi thuolo mar timo kamano.