2 Ruodhi 11:4 - MUMA MALER 2015

⁴ To e higa mar abiriyo, Jehoyada jadolo nooro wach, moluongo jotend jo-Kari kod jotend askeche ma jorit, mondo obi ire e Od Ruoth Nyasaye. Notimo kodgi winjruok, kendo nomiyo gikuong’ore, eka nonyisogii wuod ruoth.

Motingʼo Loko Manyien

⁴ E higa mar abiriyo Jehoyada nooro jotend lweny mag migepe mag ji mia achiel, jo-Kari kod jorit, mokelgi ire ei hekalu mar Jehova Nyasaye. Ne otimo singruok kodgi mi oketogi gikwongʼore e hekalu mar Jehova Nyasaye. Bangʼ mano nokelo wuod ruoth mondo gingʼeye.

2 Ruodhi 11:4 ပူးပေါင်းရင်းမြစ်များ

Chakruok 50:25

Bang’ mano nomiyo yawuot Israel okuong’ore kowachonigi niya, “Kuong’reuru ni ndalo ma Nyasaye nokonyue, mi ua ka, to nyaka ukaw chokena udhigo.”

2 Samuel 20:23

Koro Joab ne jatend jolweny duto, to Benaya wuod Jehoyada ne jatend jolweny mowak ma jo-Kereth gi jo-Peleth.

2 Samuel 8:18

Benaya wuod Jehoyada ne jatend jo-Kereth kod jo-Peleth. Yawuot Daudi bende ne jodolo.

1 Ruodhi 14:27

mi ruoth Rehoboam noloso kuodi mag mula kar mago, momiyo jotend jorit ranga dalane.

1 Ruodhi 18:10

Akuong’ora gi nying Ruoth Nyasaye ma Nyasachi ni onge oganda kata piny moro ma ruodha pok ooroe ji mondo odwari. To kane jopinjego okwer ni ionge kuno, to nyaka ne gikuong’re ni gikia kuma intie.

2 Ruodhi 11:17

Eka Jehoyada nomiyo ruoth kod jo-Israel osingore ni Ruoth Nyasaye, ni ginibed jo-Ruoth Nyasaye. Nomiyo ruoth gi ji bende otimo winjruok e kindgi giwegi.

2 Ruodhi 11:19

Eka nodhi gi jotend askeche, gi jo-Kari, kod ji duto, mi ne giwuok gi ruoth e Od Ruoth Nyasaye. Ne gikowe nyaka e od ruoth, ka giluwo dhoranga jorit. Eka Joash nobet e kom duong’.

2 Ruodhi 11:3

Joash nodak kod Jehosheba e Od Ruoth Nyasaye kuom higni auchiel e kinde mar loch Athalia.

2 Ruodhi 11:9

Jotend askeche notimo duto mane Jehoyada jadolo ochikogi. Ng’ato ka ng’ato kuomgi nokelo askeche duto mane onego oa e tich chieng’ Sabato, kaachiel gi mago mane onego ochak tich chieng’no.

2 Ruodhi 12:7

Omiyo ruoth Joash noluongo Jehoyada jadolo, kod jodolo wetene, mowachonigi niya, “Ang’o momiyo ok ulos kuonde mokethore e Hekalu? Koro weuru tiyo gi pesa ma joweteu golo, to chiwgiuru mondo ulosgo Hekalu.”

2 Ruodhi 23:3

Eka nodhi e bath siro, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno. Mi ji duto bende notimo singruokno.

1 Weche mag Ndalo 9:13

Jogo ne nigi owetegi ma jodong dhoudi alufu achiel gi mia abiriyo gi piero auchiel. Giduto ne gin joma dongo molony e tich Od Nyasaye.

2 Weche mag Ndalo 15:12

Ne gisingore mondo giluw Ruoth Nyasaye ma Nyasach kweregi gi chunygi duto,

2 Weche mag Ndalo 29:10

Koro adwaro singora ni Ruoth Nyasaye ma Nyasach Israel ni wanamak chikne, mondo chunye olend kuom mirima mager ma en go kodwa.

Nehemia 10:29

Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

Nehemia 5:12

Eka ne gisingore niya, “Wabiro dwokonigi gigo duto, kendo ok wanadwar ohala moro kuomgi.” Koro eka naluongo jodolo, mi amiyo joma noseketho okuong’ore ni ginitim gima gisewacho.

Nehemia 9:38

Kuom mago duto watimo singruok motegno, kwandiko wechene, kendo jodongwa gi jo-Lawi mawa kod jodolowa oketo lwetgi ka joneno.

Tich Joote 5:24

Kane jorit Hekalu kod jodolo madongo owinjo wachno, ne gidhier nono, ka giwuoro gima ditim joote!

Tich Joote 5:26

Eka jatend jorit Hekalu nodhi gi askechene, mokelo joote mos, mak gitimo kodgi koko, nikech ne giluoro ni dipo ka ji ogoyogi gi kite.

Joshua 24:25

Kamano Joshua nomiyo jo-Israel otimo singruok gi Ruoth Nyasaye ka gin Shekem odiechieng’no, mi nomiyogi chike.

1 Samuel 18:3

Jonathan gi Daudi ne joherore ahinya, omiyo ne gikuong’ore ni osiep manie kindgi ok norum.

1 Samuel 23:18

Mi ne gikuong’ore e nyim Ruoth Nyasaye ni osiep manie kindgi ok norum. Bang’ mano, Jonathan nodok dala, to Daudi nodong’ Horesh.