2 Ruodhi 11:18 - MUMA MALER 2015

¹⁸ Mi ji duto nodhi momuko od Baal, kendo ne ginego Matan jadolo mar Baal e nyim kende mag liswago. Jehoyada noketo jorit e Od Ruoth Nyasaye.

Motingʼo Loko Manyien

¹⁸ Jopinyno nodhi e hekalu mar Baal kendo negimuke piny. Negitoyo matindo tindo kendo mar misango kod nyiseche manono mi ginego Matan jadolo mar Baal e nyim kende mag misango. Bangʼ mano Jehoyada jadolo noketo joma rito hekalu mar Jehova Nyasaye.

2 Ruodhi 11:18 ပူးပေါင်းရင်းမြစ်များ

1 Ruodhi 18:40

Elija nokonogi niya, “Makuru jonabi mag Baal. Kik uwe kata achiel tony.” Ne gimakogi, mi Elija noterogi mwalo e aora Kishon, monegogi kuno.

2 Ruodhi 10:21

Nooro wach e piny Israel duto, mi jolam Baal nobiro maonge kata ng’at achiel modong’. Ne gidonjo e od Baal, ma ot opong’ ma onge kata kama iboloe luth.

2 Ruodhi 10:25

Kane Jehu osetieko wang’o misango, nowacho ni askechego kod jotendgi niya, “Donjuru, uneggi; kik uwe ng’ato tony!” Kane askechego kod jotendgi osenegogi, ne giwito ringregi oko. Eka ne gidonjo e od Baal maiye,

2 Ruodhi 10:26

mi gigoloe siro mane ji lamo, mi giwang’o.

2 Ruodhi 10:27

Kamano ne giketho siro mar Baal, kendo ne gimuko od Baal, mi giloko choo, kendo pod en kamano nyaka chil kawuono.

2 Ruodhi 18:4

Noketho ut lemo mag hembko, kaachiel gi sirni milamo mag kite gi mag yien. Thuond mula mane Musa oloso, bende nong’ado matindotindo, nikech nyaka chop ndalogo, jo-Israel ne pod wang’oe ubani. Thuondno niluongo ni Nekushtan, (tiende ni, gima olos gi mula.)

2 Ruodhi 23:10

Ruoth Josia noketho Tofeth manie holo mar Ben-hinom ni kik ji wang’ie nyithindgi ka misango ni Molek.

2 Ruodhi 23:14

Noturo sirni mag kite gi mag yien mane ji lamo, motoyogi matindotindo, mi kuonde mane gichungie nodino gi choke ji.

2 Ruodhi 23:20

Jodolo duto mane Josia onwang’o e hembko nonego e kende-mag-misango. Eka nodok Jerusalem.

2 Weche mag Ndalo 21:17

mi ne gimonjo jo-Juda kendo ne gikawo gik moko duto mane giyudo e od ruoth kaachiel gi yawuote gi monde, mak mana Ahazia wuode machogo ema nodong’.

2 Weche mag Ndalo 34:4

Nogolo chik, mi ji omuko kende-mag-liswa mag Baal, kaachiel gi kende miwang’oe ubani mane ochung’ e wigi. Nomuko sirni milamo kod kido mopa gi mothedhi, eka notoyogi molokogi buru, kendo nokiro burugo e liete joma nosetimonigi liswa.

2 Weche mag Ndalo 34:7

Nomuko bende kende-mag-liswa kod sirni milamo, gi kido manono, mi otoyogi molokogi buru. Noketho kende duto miwang’oe ubani e piny Israel duto. Eka nodok Jerusalem.

Wuok 32:20

Nokawo nyaroya mane ji oselosono mowang’o. Norege, molokore buru, eka nokire e pi, momiyo jo-Israel pigno omodho.

Isaya 2:18

Nyiseche manono duto nokethi, mi tiek chuth.

Rapar mar Chik 12:2

Nyaka uketh chuth kuonde ma ogendini mubiro riembogo lamoe nyisechegi, kata ka gin ewi gode maboyo kata ewi gode matindo, kata mana ka gin e tiend yath moro amora motimo otiep.

Rapar mar Chik 12:3

Mukuru kendegi mag liswa gi sirni maggi milamo mag kite, kendo uwang’ sirni maggi milamo mag yien, mi uketh kido mag nyisechegi. Kamano unuruch nying nyisechegi oko kuondego.

Rapar mar Chik 13:10

Unugoye gi kite nyaka otho, nimar notemo hoyou mondo uwe Ruoth Nyasaye ma Nyasachu mane ogolou Misri kuma nubedoe wasumbni.

Rapar mar Chik 13:5

To nyaka neg jakor wachno kata jalekno, nimar osewuoyo marach kodwaro ni mondo utamru winjo wach Ruoth Nyasaye ma Nyasachu mane oresou, kagolou Misri, kama nubedoe wasumbni. Ng’atno osetemo witou mondo uwe yo mane Ruoith Nyasaye ma Nyasachu ochikou mondo uluw. Kunege kamano, eka unugol richo ma kama kuomu.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,

Rapar mar Chik 13:9

In ema nyaka ikwong keto lweti kuome, eka bang’e jou duto nokonyi nege.