2 Ruodhi 11:17 - MUMA MALER 2015

¹⁷ Eka Jehoyada nomiyo ruoth kod jo-Israel osingore ni Ruoth Nyasaye, ni ginibed jo-Ruoth Nyasaye. Nomiyo ruoth gi ji bende otimo winjruok e kindgi giwegi.

Motingʼo Loko Manyien

¹⁷ Eka Jehoyada nomiyo ruoth kod jo-Israel osingore ne Jehova Nyasaye ni ginibed jo-Jehova Nyasaye. Nomiyo ruoth gi ji otimo singruok e kindgi giwegi.

2 Ruodhi 11:17 ပူးပေါင်းရင်းမြစ်များ

2 Samuel 5:3

Jodong Israel duto nobiro Hebron ir Daudi, kendo ne gitimo kode singruok kuno e nyim Ruoth Nyasaye, mi giwire gi mo mondo obed ruodh jo-Israel.

2 Ruodhi 11:4

To e higa mar abiriyo, Jehoyada jadolo nooro wach, moluongo jotend jo-Kari kod jotend askeche ma jorit, mondo obi ire e Od Ruoth Nyasaye. Notimo kodgi winjruok, kendo nomiyo gikuong’ore, eka nonyisogii wuod ruoth.

2 Ruodhi 23:3

Eka nodhi e bath siro, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno. Mi ji duto bende notimo singruokno.

1 Weche mag Ndalo 11:3

Kuom mano, jodong Israel duto nobiro Hebron ir ruoth Daudi, kendo Daudi notimo kodgi singruok kuno e nyim Ruoth Nyasaye, mi ne giwire gi mo mondo obed ruodh Israel, kaluwore gi wach mane Ruoth Nyasaye omiyo Samuel owacho.

2 Weche mag Ndalo 23:16

Eka Jehoyada, kaachiel gi ji kod ruoth bende, ne josingore ni ginibed jo-Ruoth Nyasaye.

2 Weche mag Ndalo 29:10

Koro adwaro singora ni Ruoth Nyasaye ma Nyasach Israel ni wanamak chikne, mondo chunye olend kuom mirima mager ma en go kodwa.

2 Weche mag Ndalo 34:31

Eka ruoth nodhi kar betne, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno.

Ezra 10:3

Emomiyo koro wasingrueru ni Nyasachwa ni wanariemb mon-go gi nyithindgi, kaka useng’adonwa rieko, un kod jogo moluoro chik Nyasaye, kendo watimuru gima chik dwaro.

Nehemia 9:38

Kuom mago duto watimo singruok motegno, kwandiko wechene, kendo jodongwa gi jo-Lawi mawa kod jodolowa oketo lwetgi ka joneno.

Jeremia 34:8

Ruoth Nyasaye nowuoyo gi Jeremia, kane ruoth Zedekia osetimo winjruok gi jo-Jerusalem mondo ogony wasumbni maggi odhi.

2 Jo-Korintho 8:5

Ne gitimo moloyo kaka ne waparo. Mokwongo ne gichiwore ni Ruoth, eka kuom dwaro mar Nyasaye, ne gichiwore ni wan bende.

Joshua 24:25

Kamano Joshua nomiyo jo-Israel otimo singruok gi Ruoth Nyasaye ka gin Shekem odiechieng’no, mi nomiyogi chike.

1 Samuel 10:25

Eka Samuel nonyiso ji kaka tich ruoth chalo,, kendo nondiko wachno e kitabu, mi okano e nyim Ruoth Nyasaye. Bang’e nomiyo ji thuolo mondo ng’ato ka ng’ato odog dalane.