2 Ruodhi 11:16 - MUMA MALER 2015

¹⁶ Omiyo ne gimake, kendo ne gigole ka giluwo dhorangach mane farese donjogo e dala ruoth, mi ne ginege kanyo.

Motingʼo Loko Manyien

¹⁶ Omiyo negimake kane ochopo kama farese donjogo e dala ruoth kendo kanyo ema ne onege.

2 Ruodhi 11:16 ပူးပေါင်းရင်းမြစ်များ

Chakruok 9:6

“Ng’at monego dhano, en bende nyaka nege, nikech Nyasaye nochueyo dhano e kite owuon.

2 Ruodhi 11:15

Jehoyada jadolo nowacho ni jotend askeche niya, “Goleuru oko! Kik unege e Od Ruoth Nyasaye, kendo ka ng’at moro oluwe, to neguru ng’atno.”

2 Weche mag Ndalo 23:15

Omiyo ne gimake, kendo kane gichopo e dhoranga dala ruoth miluongo ni Ranga Farese, ne ginege kanyo.

Nehemia 3:28

To koa e Ranga Farese, jodolo ema nogedo kama omanyore gi utgi.

Jeremia 31:40

To holo duto kama owitie ringre joma otho, kendo owitie yugi, nobed kama ler moyangna, kaachiel gi pewe duto manie geng aora Kidron nyaka ranga Farese, koma ochomo yo wuok chieng’. Dala Jerusalem ok nochak omuki, bende ok nochak okethe.”

Tim jo-Lawi 24:17

“Ka ng’ato ogoyo wadgi monego, to en bende nyaka nege.

Mathayo 7:2

nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.