2 Ruodhi 11:14 - MUMA MALER 2015

¹⁴ Noneno ruoth kochung’ e bath siro, kaka kit jo-Israel nobet, ka tung’ ywak, kendo ji wer. Ji duto ne mor, kendo goyo tung’. Mi Athalia noyiecho lepe, ka kok niya, “Ujemo! Ujemo!”

Motingʼo Loko Manyien

¹⁴ Nongʼicho moneno ruoth kochungʼ e bath siro kaka chik jo-Israel ne dwaro. Jotelo gi jogo turumbete nochungʼ e bath ruoth kendo ji duto mag pinyno ne mor kendo negigoyo turumbete. Eka Athalia noyiecho lepe kakok niya, “Andhoga! Andhoga!”

2 Ruodhi 11:14 ပူးပေါင်းရင်းမြစ်များ

Chakruok 37:29

Kane Reuben odok limo bugono, ma ok oyudo Josef, noyiecho lepe.

Chakruok 44:13

Kane gineno kamano, ne giyiecho lepgi, kendo ne giyieyo kenjegi, mi gidok e dalano.

1 Ruodhi 1:25

Osedhi mwalo moyang’o ruedhi gi dhok machwe kod rombe mogundho. Osegwelo yawuot ruoth duto, kaachiel gi Joab jatend jolweny kod Abiathar jadolo, kendo koro gibet piny kode, ka gichiemo kendo gimetho. Giwacho niya, ‘Ruoth Adonija mondo odag aming’a!’

2 Ruodhi 11:15

Jehoyada jadolo nowacho ni jotend askeche niya, “Goleuru oko! Kik unege e Od Ruoth Nyasaye, kendo ka ng’at moro oluwe, to neguru ng’atno.”

2 Ruodhi 23:3

Eka nodhi e bath siro, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno. Mi ji duto bende notimo singruokno.

2 Ruodhi 9:13

Mi jogo duto nopedho lepgi aruya ewi raidhi, mondo Jehu obedie. Eka ne gigoyo tung’ ka gikok niya, “Jehu e ruoth!”

2 Ruodhi 9:23

Kane Joram owinjo wachno, noloko gache moringo, kowacho ni Ahazia niya, “Ahazia masira ni ka! Jogi jemo!”

1 Weche mag Ndalo 12:40

Bende joma nokiewo kodgi, chakre piny Isakar gi Zebulun kod Naftali nokelonigi chiemo mane giting’o gi kenje gi ngamia gi nyumbu kod ruedhi. Ne gin mogo gi olembe mag ng’owo gi mag mzabibu motwo mong’in kod divai gi mo, kaachiel gi dhok kod rombe mang’eny ahinya, nikech mor mane nitie e Israel.

2 Weche mag Ndalo 34:31

Eka ruoth nodhi kar betne, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno.

Ngeche 29:2

Ka joma kare nigi loch, to ji duto mor, to ka joricho e jotelo to ji ng’ur ang’ura.

Luka 19:37

Yesu nochopo machiegni gi Jerusalem, kama yo lorgo kaa e got Zeituni, mi jopuonjre mang’eny nochako pako Nyasaye matek gi mor, nikech timbe madongo miwuoro mane giseneno.