2 Ruodhi 11:12 - MUMA MALER 2015

¹² Eka Jehoyada nogolo wuod ruoth oko. Nosidhone osimb duong’, momiye kitap chik, kendo nowire gi mo mondo obed ruoth. Ji duto nopamo lwetgi, ka kok niya, “Ruoth mondo odag aming’a!”

Motingʼo Loko Manyien

¹² Jehoyada nogolo wuod ruoth oko mi osidhone osimbo mar loch; eka nomiye kitap chik mi okete ruoth. Ne giwire ka ji pamo lwetgi ka gigoyo koko niya, “Ruoth mondo odag amingʼa!”

2 Ruodhi 11:12 ပူးပေါင်းရင်းမြစ်များ

2 Samuel 1:10

Omiyo nasudo bute, manege, nikech nang’eyo ni ok onyal bedo mangima, kosehinyore kamano. Bang’e nakawo osimbo mane ni e wiye, kod ronge mane ni e bade, kendo ekigi.”

2 Samuel 12:30

Nogolo osimbo ewi Milkom ma nyasach jo-Amon, moyudo ni pek mar dhahabu molosego oromo kilo piero ang’wen, kendo kidi ma nengone tek ochom kuome, mi nosidho osimbono e wiye owuon. Noyako bende gik mathoth e dalano,

2 Samuel 16:16

Hushai ja-Arki ma osiep Daudi nosudo ir Absalom, mowachone niya, “Ruoth, mondo idag aming’a!”

2 Samuel 2:4

Jo-Juda nobiro, mowiro Daudi gi mo, ka gikete ruodh dhood Juda. Kane onyis Daudi ni jo-Jabesh-gilead ema noyiko Saulo,

2 Samuel 2:7

Emomiyo koro beduru joma otegno, kendo ma jochir, nikech Saulo ruodhu osetho, kendo dhood Juda osewira abed ruodhgi.”

2 Samuel 5:3

Jodong Israel duto nobiro Hebron ir Daudi, kendo ne gitimo kode singruok kuno e nyim Ruoth Nyasaye, mi giwire gi mo mondo obed ruodh jo-Israel.

1 Ruodhi 1:25

Osedhi mwalo moyang’o ruedhi gi dhok machwe kod rombe mogundho. Osegwelo yawuot ruoth duto, kaachiel gi Joab jatend jolweny kod Abiathar jadolo, kendo koro gibet piny kode, ka gichiemo kendo gimetho. Giwacho niya, ‘Ruoth Adonija mondo odag aming’a!’

1 Ruodhi 1:34

kama Zadok jadolo gi Nathan janabi biro wiree gi mo, mondo obed ruodh Israel. Bang’e ugo tung’, kendo ukog niya, ‘Ruoth Solomon mondo odag aming’a!’

1 Ruodhi 1:39

Zadok jadolo nokawo tung’ mar mo mane ogolo e Hemb Nyasaye, mowirogo Solomon kuno. Eka ne gigoyo tung’, kendo ji duto nokok niya, “Ruoth Solomon mondo odag aming’a!”

1 Ruodhi 2:44

Ruoth nomedo wacho ni Shimei niya, “Ing’eyo richo duto mane itimo ni Daudi wuora. Emomiyo Ruoth Nyasaye nodwok richoni e wiyi.

2 Ruodhi 11:11

Askeche mag jorit noriedo, ka ng’ato ka ng’ato omako gilweny e lwete, chakre yo milambo nyaka yo nyandwat mar Hekalu, ka gilworo kendo-mar-misango kaachiel gi Hekalu.

2 Ruodhi 11:2

To Jehosheba nyar ruoth Jehoram, ma nyamin Ahazia, nogolo Joash ling’ling’ kuom yawuot ruoth ma nidwaro nego, mi nopande e od nindo kod japite. Kamano Athalia ne ok onege.

2 Ruodhi 11:4

To e higa mar abiriyo, Jehoyada jadolo nooro wach, moluongo jotend jo-Kari kod jotend askeche ma jorit, mondo obi ire e Od Ruoth Nyasaye. Notimo kodgi winjruok, kendo nomiyo gikuong’ore, eka nonyisogii wuod ruoth.

2 Ruodhi 9:13

Mi jogo duto nopedho lepgi aruya ewi raidhi, mondo Jehu obedie. Eka ne gigoyo tung’ ka gikok niya, “Jehu e ruoth!”

2 Ruodhi 9:3

Eka ikaw puga mar mo, iol e wiye, kikone ni Ruoth Nyasaye owachone ni oseyiere mondo obed ruodh Israel. Ka isewacho kamano, to yaw dhoot iring ia. Kik ideki!”

2 Weche mag Ndalo 23:11

Eka Jehoyada nogolo ruoth oko, mosidhone osimb duong’, kendo omiye kitap chik, mi gikete ruoth. Jehoyada gi yawuote nowire gi mo ka gikok niya, “Ruoth mondo odag aming’a!”

Zaburi 132:18

Anami wichkuot neg wasike, to en owuon, lochne nodhi nyime maber.

Zaburi 21:3

Ne irwake gi gweth maduong’, kendo ne isidhone osimbo mar dhahabu maler.

Zaburi 21:4

Ne okwayo mondo imiye ngima, mi nimiye. Ee, noyudo ngima malach kendo mosiko.

Zaburi 47:1

Un ogendini, pamuru gi mor! Pakuru Nyasaye, kukok matek.

Zaburi 78:5

Nyasaye nomiyo jo-Israel ma nyikwa Jakobo chikene gi buchene, mane ochiko kwerewa mondo opuonj nyithindgi,

Zaburi 89:39

Iseketho singruok mane itimo gi jatichni, kendo isewito osimbone e buru!

Zaburi 98:8

Un nembe madongo, pamuru, kendo un gode, weruru gi ilo kanyakla ni Ruoth Nyasaye,

Wuok 25:16

To ketie kite ariyo mag rapar ma abiro miyi.

Wuok 31:18

Kane Ruoth Nyasaye osetieko wuoyo gi Musa e got Sinai, nomiye kite mopamore ariyo mag rapar. Gin e kite ariyo mane Nyasaye ondikoe gi lith lwete.

Isaya 55:12

Adier, unuwuog Babulon gi mor kod kue, kendo kuonde mukadhoe, gode madongo gi matindo nogo mahu gi mor. Yien duto mae thim bende nopam lwetgi.

Isaya 8:16

Koro atueyo kalatas mondikie wechego matek, kendo achano puonjno e chuny jopuonjrena.

Isaya 8:20

Adier, ji nyalo wachonu weche makamago, to kata kamano gima giwacho onge tich.

Ywagruok 4:20

Ruoth mane Nyasaye oyiero, kendo ma wakwano ka ngimawa, ne gimako e bur mane gikunyo. To en e jal mane waparo ni dwadag e bwo tipone e kind ogendini.

Daniel 3:9

Ne giwacho ni ruoth Nebukadnezar niya, “Ruoth, mondo idag aming’a!

Daniel 6:21

Daniel ne odwoke niya, “Ruoth, mondo idag aming’a!

Mathayo 21:9

Joma notelo nyim Yesu, kod joma ne luwo bang’e nokok niya, “Duong’ obed ni Wuod Daudi! Ogwedh ng’ama biro e nying Ruoth! Duong’ obed ni Nyasaye e polo malo!”

Mathayo 27:29

Bende ne giloso osimbo mar kudho mi gisidhone e wiye. Eka ne giketo luth e lwete korachwich, ka gichare, kendo giwachone niya, “Ruodh jo-Yahudi mondo odag aming’a!”

Tich Joote 4:27

“Chutho, Herode gi Pontio Pilato nochokore Jerusalem kod ogendini mamoko kaachiel gi jo-Israel, ka gipiem gi Yesu Jatichni Maler mane iyiero obedo Mesia.

2 Jo-Korintho 1:21

Jal mamiyo wan kod un wabedo gi ratiro ni wan kuom Kristo en Nyasaye. En ema osewirowa,

Jo-Hibrania 1:9

Ihero timbe makare, to imon gi timbe maricho. A Nyasaye, mano emomiyo Nyasachi oseyieri ruoth, mowiri gi mo, komiyi mor mang’eny moloyo mor mosemiyo jowadu.”

Jo-Hibrania 2:9

To gima waneno, en mana Yesu, mane Nyasaye omiyo obedo matin moloyo malaika kuom kinde manok mondo otho ni ji duto kuom ng’wonone mar Nyasaye. En ema Nyasaye nosesidhone osimbo mar duong’ kod pak, nikech rem mar tho mane oneno.

Fweny 19:12

Wengene liel ka ligek mach, kendo osidhne osimbo mang’eny e wiye. En gi nying mondik kuome, ma onge ng’ama ong’eyo, to mak mana en owuon,

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 10:24

Samuel nowacho ni ji duto niya, “Neuru jal ma Ruoth Nyasaye oyiero. Onge ng’at machal kode kuomu duto.” Mi ji duto nokok kawacho niya, “Ruoth mondo odag aming’a!”

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.