2 Ruodhi 10:5 - MUMA MALER 2015

⁵ Omiyo jaduong’ od ruoth gi jaduong’ dala kaachiel gi jodongo kod jogo mane pidho yawuowigo nooro ni Jehu wach niya, “Wan jotichni, kendo wayie timo gimoro amora miwachonwa. Ok wanaket ng’at moro obed ruoth. Tim atima gima idwaro.”

Motingʼo Loko Manyien

⁵ Eka jatend dala ruoth, jatend dala maduongʼ, jodongo kod jorit mag nyithind Ahab nooro wachni ne Jehu kama: “Wan mana jotichni omiyo wabiro timo gimoro amora miwacho. Ok wabi yiero ngʼato e dierwa mondo obed ruoth, tim gima chunyi oneno ni ber.”

2 Ruodhi 10:5 ပူးပေါင်းရင်းမြစ်များ

1 Ruodhi 20:32

Kuom mano, ne gitueyo piende gugru e nungogi, kod tonde e ng’utgi, mi gidhi ir ruodh Israel. Ne giwachone niya, “Ben-hadad jatichni osayi ni kik inege.” Ahab nopenjogi niya, “Kara, pod ongima? En owadwa.”

1 Ruodhi 20:4

Ruodh Israel nodwoke niya, “Ruodha, ok adagi gima iwacho. An mari, kaachiel gi giga duto.”

2 Ruodhi 10:6

Eka Jehu nondikonigi barua machielo kawacho niya, “Kuyie dokna, kendo mako chikna, to ng’aduru wiye yawuot ruodhu, ukelna Jezreel kiny sa makama.” (Yawuot ruoth piero abiriyogo nodak kod jodong dala mane pidhogi.)

2 Ruodhi 18:14

Eka Hezekia ruodh Juda nooro wach ni ruodh Asuria mane oyudo ni Lakish niya, “Aseketho to we kedo koda kendo, nikech ayie chulo gimoro amora midwaro.” Kamano ruodh Asuria nodwaro kuome fedha ma romo kilo alufu apar, kod dhahabu moromo kilo alufu achiel.

Jeremia 27:17

Emomiyo kik uwinj wachgi, to tiuru atiya ni ruodh Babulon, eka unures ngimau. Ere gima omiyo dalani dilokre gunda?

Kwan 11:12

An e min-gi mane onywologi? Koso ka gidhi e piny mane isingori ni nimi kweregi, to nyaka ating’gi mana e kora kaka japidi ting’o nyathi?

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Joshua 9:11

Omiyo jodongwa duto nochikowa mondo wakaw chiemo ma dirom wuoth, kendo wabi iru mondo wanyisu ni wayie bedo e bwo lochu. Kuom mano, yie watim kodu winjruok mar kue.

Joshua 9:8

Jo-Hivi to nowacho ni Joshua niya, “Wayie bedo e bwo lochni.” Eka Joshua nopenjogi nyinggi, kendo kuma giaye.