2 Ruodhi 10:35 - MUMA MALER 2015

³⁵ Jehu notho, moyike Samaria. Jehoahaz wuode nodoko ruoth kare.

Motingʼo Loko Manyien

³⁵ Jehu notho moyweyo gi kwerene kendo ne oike e piny Samaria mi Jehoahaz wuode nobedo ruoth kare.

2 Ruodhi 10:35 ပူးပေါင်းရင်းမြစ်များ

2 Samuel 7:12

Kisetho, minindo e liel gi kwereni, to anaket achiel kuom yawuoti kari, kendo anagur lochne obed motegno.

1 Ruodhi 1:21

Ka ok itimo kamano, to wan gi Solomon wuoda wanane masira kisetho.”

1 Ruodhi 14:20

Jeroboam norito piny kuom higni piero ariyo gariyo. Notho moyike, eka Nadab wuode nodoko ruoth kare.

1 Ruodhi 14:31

Rehoboam notho, moyike but kwerene e dala Daudi. Min mare ne nyinge Naama nyar Amon. Abija wuod Rehoboam nodoko ruoth kare.

1 Ruodhi 2:10

Kamano Daudi notho, moluwo kwerene, kendo noyike Jerusalem.

2 Ruodhi 10:30

Ruoth Nyasaye nowacho ni Jehu niya, “Amor gi tich misetiyo, nikech isetimo ni dhood Ahab kaka nadwaro, omiyo nyikwayi nobed ruodhi mag Israel nyaka tieng’ mar ang’wen.”

2 Ruodhi 10:34

Weche moko mag Jehu, gi timbene kod tekone duto, ondik e Kitap Weche mag Ndalo mag Ruodhi mag Israel.

2 Ruodhi 10:36

Jehu nobet ruodh Israel kuom higni piero ariyo gaboro, kodak Samaria.

2 Ruodhi 13:1

E higa mar piero ariyo gadek mar loch Joash wuod Ahazia ruodh Juda, Jehoahaz wuod Jehu nodoko ruodh Israel, mi norito piny kuom higni apar gabiriyo, kodak Samaria.

2 Ruodhi 13:9

Jehoahaz notho moluwo kwerene, mi noyike Samaria. Jehoash wuode nodoko ruoth kare.