2 Ruodhi 10:31 - MUMA MALER 2015

³¹ To Jehu ne ok odewo rito chik Ruoth Nyasaye ma Nyasach Israel gi chunye duto. Nomedo timo richo mane Jeroboam omiyo jo-Israel otimo.

Motingʼo Loko Manyien

³¹ Kata kamano Jehu ne ok oritore kuom mako chike Jehova Nyasaye ma Nyasach Israel gi chunye duto. Bende ne ok olokore e richo Jeroboam, mane omiyo jo-Israel otimo.

2 Ruodhi 10:31 ပူးပေါင်းရင်းမြစ်များ

1 Ruodhi 14:16

Enojwang’ jo-Israel nikech richo Jeroboam, mane omiyo jo-Isarel bende otimo.”

1 Ruodhi 2:4

Kamano Ruoth Nyasaye nochop singruok mane otimona, kowachona ni, ‘Ka yawuoti noritre, kendo nowuoth e nyima gi adiera gi chunygi duto kod parogi duto, to nyikwayi nobed ruodhi mag Israel nyaka chieng’.’

2 Ruodhi 10:29

Kata kamano, ne ok oweyo timo timbe maricho mane Jeroboam wuod Nebat omiyo jo-Israel otimo, nimar ji ne pod lamo nyiroye mag dhahabu mane ni Bethel gi mane ni Dan.

2 Ruodhi 17:22

Jo-Israel noluwo timbe maricho duto mane Jeroboam otimo. Ne ok giweyo richogo kata matin,

2 Ruodhi 3:3

Kata kamano notuere e timbe mokwer mane Jeroboam wuod Nebat omiyogo jo-Israel obedo joricho. Ne ok oweyogi kata matin.

2 Weche mag Ndalo 6:16

Emomiyo, in Ruoth Nyasaye ma Nyasach Israel, yie ichop singruok mane itimo ni Daudi wuora ma jatichni kiwachone niya, ‘Anywolani nobed ruodhi mag Israel nyaka chieng’, to mana ka yawuoti oritore kendo owuotho e chikena kaka isewuotho.’

Nehemia 10:29

Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

Zaburi 119:9

Ere kaka ng’at ma pod tin dirit ngimane bed maler? Dorite mana ka omako wachni, A Ruoth Nyasaye.

Zaburi 39:1

Ne awacho niya, “Abiro ritora kuom gik ma atimo, mondo kik awach gimoro marach. Ok anawuo ka joricho ni machiegni.”

Zaburi 78:10

Ne ok girito singruok mane gisetimo gi Nyasaye. Kamano ne gitamore rito chikene.

Ngeche 4:23

Chunyi e kama ngimani ochakoree, emomiyo rite ka mwanduni migenoe moloyo.

Ezekiel 36:27

Anaket Rohona awuon kuomu, mondo uluw chikena, kendo urit buchena duto ma asemiyou.

Daniel 9:10

A Ruoth Nyasaye, kane iwachonwa ni mondo waluw chike mane imiyo jotichni ma jonabi owachonwa, to ne watamore winji.

Rapar mar Chik 4:15

“Chieng’ mane Ruoth Nyasaye owuoyo kodu Horeb gie mach, ne ok uneno kit gimoro amora,

Rapar mar Chik 4:23

Ritreuru mondo une ni wiu ok owil gi singruok mane Ruoth Nyasaye ma Nyasachu osetimo kodu. Kik ulos kido moro amora maket, kukethogo chik mar Ruoth Nyasaye ma Nyasachu,

Rapar mar Chik 5:33

Luwuru yo ma Ruoth Nyasaye ma Nyasachu osechikou, mak ubaro koracham kata korachwich. Bang’e eka unubed maber kendo unudag aming’a e piny ma udhi kawo.

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Jo-Hibrania 2:1

Mano emomiyo nyaka waket chunywa kuom mako weche ma wasewinjo, mondo kik waba yo.