2 Ruodhi 10:30 - MUMA MALER 2015

³⁰ Ruoth Nyasaye nowacho ni Jehu niya, “Amor gi tich misetiyo, nikech isetimo ni dhood Ahab kaka nadwaro, omiyo nyikwayi nobed ruodhi mag Israel nyaka tieng’ mar ang’wen.”

Motingʼo Loko Manyien

³⁰ Jehova Nyasaye nowachone Jehu niya, “Nikech isetimo maber mondo ichop gima nikare e wangʼa kendo isetimo ne od Ahab gik mane ni e pacha, ogandani nobed e loch mar Israel nyaka tiengʼ mar angʼwen.”

2 Ruodhi 10:30 ပူးပေါင်းရင်းမြစ်များ

1 Ruodhi 20:42

Nowacho ni ruoth niya, “Ruoth Nyasaye owacho kama: ‘Ng’at ma nyocha adwaro ni mondo otho, iseweyo odhi, omiyo ibiro tho kare, kendo jogi biro tho kar joge.’ ”

1 Ruodhi 21:22

Anami dhoodi chal gi dhood Jeroboam wuod Nebat, kendo gi dhood Baasha wuod Ahija, nikech isemiya mirima, kendo nikech isemiyo jo-Israel obedo joricho.

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

2 Ruodhi 10:35

Jehu notho, moyike Samaria. Jehoahaz wuode nodoko ruoth kare.

2 Ruodhi 13:1

E higa mar piero ariyo gadek mar loch Joash wuod Ahazia ruodh Juda, Jehoahaz wuod Jehu nodoko ruodh Israel, mi norito piny kuom higni apar gabiriyo, kodak Samaria.

2 Ruodhi 13:10

E higa mar piero adek gabiriyo mar loch Joash ruodh Juda, ema Jehoash wuod Jehoash nodokoe ruodh Israel, kendo norito piny kuom higni apar gauchiel, kodak Samaria.

2 Ruodhi 14:23

E higa mar apar gabich mar loch Amazia wuod Joash ruodh Juda, Jeroboam wuod Jehoash nodoko ruodh Israel, kodak Samaria. Norito piny kuom higni piero ang’wen gachiel.

2 Ruodhi 14:29

Jeroboam notho, moluwo kwerene mane ruodhi mag Israel. Zekaria wuode nodoko ruoth kare.

Hosea 1:4

Eka Ruoth Nyasaye nowacho ni Hosea niya, “Chak nyathino ni Jezreel, nimar achiegni kumo ruodh Israel kuom remo mane Jehu wuon mare ochwero Jezreel. Abiro tieko loch nyikwa Jehu e Israel,

Tim jo-Lawi 26:25

Anakel lweny kuomu mondo achulgo kuor kuom ketho singruok ma ne atimo kodu, kendo kata kuchokoru e miechu to anagou gi tuoche kendo wasiku nomaku.