2 Ruodhi 10:29 - MUMA MALER 2015

²⁹ Kata kamano, ne ok oweyo timo timbe maricho mane Jeroboam wuod Nebat omiyo jo-Israel otimo, nimar ji ne pod lamo nyiroye mag dhahabu mane ni Bethel gi mane ni Dan.

Motingʼo Loko Manyien

²⁹ Kata kamano ne ok olokore oweyo richo mar Jeroboam wuod Nebat, mane omiyo jo-Israel odonje richo mar lamo nyaroya mar mula mochwe e Bethel kod Dan.

2 Ruodhi 10:29 ပူးပေါင်းရင်းမြစ်များ

Chakruok 20:9

Eka noluongo Ibrahim, mopenje niya, “Ang’o momiyo isetimonwa marach kama? Ere gima rach ma asetimoni, momiyo isekelo richo maduong’ kama kuoma, kendo kuom pinya?

1 Ruodhi 14:16

Enojwang’ jo-Israel nikech richo Jeroboam, mane omiyo jo-Isarel bende otimo.”

2 Ruodhi 10:28

Mano e kaka Jehu notieko lemo mar Baal e Israel.

2 Ruodhi 10:31

To Jehu ne ok odewo rito chik Ruoth Nyasaye ma Nyasach Israel gi chunye duto. Nomedo timo richo mane Jeroboam omiyo jo-Israel otimo.

2 Ruodhi 13:11

En bende timbene ne richo e nyim Ruoth Nyasaye, koluwo timbe maricho duto mane Jeroboam wuod Nebat omiyo jo-Isarel otimo.

2 Ruodhi 13:2

Timbene ne richo e nyim Ruoth Nyasaye, koluwo richo mane Jeroboam wuod Nebat omiyo jo-Israel otimo. Ne ok oweyo kata achiel.

2 Ruodhi 14:24

Timbene ne richo e nyim Ruoth Nyasaye, mana kaka timbe duto mane Jeroboam wuod Nebat omiyogo jo-Israel obedo joricho.

2 Ruodhi 15:18

Timbene ne richo e nyim Ruoth Nyasaye, kaka timbe maricho mane Jeroboam wuod Nebat omiyogo jo-Israel obedo joricho.

2 Ruodhi 15:24

Timbene ne richo e nyim Ruoth Nyasaye, kaka timbe mane Jeroboam wuod Nebat omiyogo jo-Israel obedo joricho.

2 Ruodhi 15:28

Timbene ne richo e nyim Ruoth Nyasaye, kaka timbe mane Jeroboam wuod Nebat omiyogo jo-Israel obedo joricho.

2 Ruodhi 15:9

Timbene ne richo e nyim Ruoth Nyasaye, mana kaka timbe kwerene. Noluwo timbe maricho mane Jeroboam wuod Nebat omiyogo jo-Israel obedo joricho.

2 Ruodhi 17:22

Jo-Israel noluwo timbe maricho duto mane Jeroboam otimo. Ne ok giweyo richogo kata matin,

2 Ruodhi 3:3

Kata kamano notuere e timbe mokwer mane Jeroboam wuod Nebat omiyogo jo-Israel obedo joricho. Ne ok oweyogi kata matin.

Wuok 32:21

Nopenjo Harun niya, “Ang’o ma ne jogi otimoni momiyo imiyo gitimo richo maduong’ kama?”

Wuok 32:4

Nokawo bonjego molenyo, eka noolo e gimoro mokuny iye e kido mar nyaroya, molosogo nyaroya. Jo-Israel nowacho niya, “Ma e nyasaye mane ogolowa e piny Misri!”

Ezekiel 23:8

Ne odhi adhiya nyime gi timbe chode mane osechako timo ka en Misri, kuma ne okethoree modoko jachode.

Hosea 10:5

Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Hosea 13:2

To eka pod gimedo timo atima richo, kendo giloso kido mag fedha mondo gilam. Gikawo fedha ma gin-go, kendo gilosogo kido manono, ma dhano ema oparo, moloso gi lwete owuon. To bang’e giwacho niya, “Timnigiuru misengni.” To ere kaka ji nyalo nyodho kido manonogo, mana kido molos e kit rwath?

1 Samuel 2:24

Ooyo yawuota, wach masewinjo ka jo-Ruoth Nyasaye wacho kuomu ok en wach maber.