2 Ruodhi 10:14 - MUMA MALER 2015

¹⁴ Eka Jehu nowacho niya, “Makgiuru.” Mi ne gimakogi duto, ji piero ang’wen gariyo, kendo ne ginegogi pep e Yap Beth-eked.

Motingʼo Loko Manyien

¹⁴ Eka nogolo chik niya, “Makgiuru” Omiyo negimako ji piero angʼwen gariyogo ma gidhi kodgi e bath soko man Beth Eked ma ginegogi, kendo onge moro amora mane otony.

2 Ruodhi 10:14 ပူးပေါင်းရင်းမြစ်များ

1 Ruodhi 20:18

Nodwoko ni, “Makgiuru ka gingima, bed ni gibiro gi kue, kata gibiro kedo kodwa.”

2 Ruodhi 10:12

Jehu nowuok kadhi Samaria. To kane osechopo Beth-eked Kajokwath,

2 Ruodhi 10:13

nopo koromo gi owete Ahazia ruodh Juda. Nopenjogi niya, “Un ng’a gini?” Ne gidwoke ni, “Wan owete Ahazia, kendo wadhi limo joka ruoth.”

2 Ruodhi 10:15

Kane Jehu osea kuno, noneno Jehonadab wuod Rekab ka biro romone. Nomose, mopenje niya, “Bende chunyi ler koda, kaka chunya ler kodi?” Jehonadab nodwoke niya, “Ee, chunya ler kodi.” Jehu nokone ni, “Ka kamano, to mak lweta.” Omiyo Jehonadab nomako lwete. Eka Jehu nokwaye mondo giidh gari,

2 Ruodhi 10:6

Eka Jehu nondikonigi barua machielo kawacho niya, “Kuyie dokna, kendo mako chikna, to ng’aduru wiye yawuot ruodhu, ukelna Jezreel kiny sa makama.” (Yawuot ruoth piero abiriyogo nodak kod jodong dala mane pidhogi.)

2 Ruodhi 11:1

Kane Athalia min Ahazia oneno ni wuode osetho, nonego joka ruoth duto.

2 Ruodhi 8:18

Noluwo timbe ruodhi mag Israel, kaka jodhood Ahab notimo, nikech nokendo nyar Ahab. Timbene ne richo e nyim Ruoth Nyasaye.

2 Weche mag Ndalo 22:10

Kane Athalia min Ahazia oneno ni wuode osetho, nonego jood ruodh Juda duto.

2 Weche mag Ndalo 22:8

Kane Jehu nego jodhood Ahab, noromo gi jodong Juda kod Ahazia, monegogi.

Jeremia 41:5

ji piero aboro nobiro koa Shekem gi Shilo kod Samaria. Ne oyudo giselielo tikgi, mi giyiecho lepgi, kendo gisaro dendgi, bende ne giting’o cham gi ubani mondo gichiw e Hekalu.