2 Ruodhi 10:11 - MUMA MALER 2015

¹¹ Eka Jehu nonego jodhood Ahab duto ma nodong’ Jezreel, gi jodonge duto gi osiepene kod jodolo mage, nyaka ne onge kata ng’at achiel modong’.

Motingʼo Loko Manyien

¹¹ Omiyo Jehu nonego ji duto man Jezreel mane odongʼ e od Ahab, kaachiel gi jotende duto, osiepene kod jodolo mage duto, maonge ngʼama noweyo kangima.

2 Ruodhi 10:11 ပူးပေါင်းရင်းမြစ်များ

1 Ruodhi 14:10

Emomiyo abiro keloni masira ni dhoodi, kendo abiro tieko joodi machwo duto koda ka wasumbni, ma onge ng’ati ma nodong’ e Israel, kendo abiro yweyo jodhoodi oko pep, mana kaka ng’ama wang’o owuoyo marum chuth.

1 Ruodhi 15:29

Gikanyono kosedoko ruoth, nonego jood Jeroboam duto. Notieko od Jeroboam chuth, ma ok oweyo kata ng’at achiel kangima, mana kaka Ruoth Nyasaye nosemiyo Ahija ja-Shilo ma jatichne owacho.

1 Ruodhi 16:11

Kane Zimri osedoko ruoth, nonego jodhood Baasha duto, ma ok oweyo kata ng’ama dichwo achiel kuom wedene, kata osiepene.

1 Ruodhi 18:19

Emomiyo koro or wach mondo jo-Israel duto obi, wachokre e got Karmel, kaachiel gi jonabi mia ang’wen gi piero abich mag Baal, kod mag Ashera mia ang’wen, ma Jezebel opidho.”

1 Ruodhi 18:40

Elija nokonogi niya, “Makuru jonabi mag Baal. Kik uwe kata achiel tony.” Ne gimakogi, mi Elija noterogi mwalo e aora Kishon, monegogi kuno.

1 Ruodhi 21:22

Anami dhoodi chal gi dhood Jeroboam wuod Nebat, kendo gi dhood Baasha wuod Ahija, nikech isemiya mirima, kendo nikech isemiyo jo-Israel obedo joricho.

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

1 Ruodhi 22:6

Omiyo ruodh Israel nochoko jonabi ma dirom mia ang’wen, mopenjogi niya, “Adhi aked gi jo-Ramoth-gilead, koso awe?” Ne gidwoke niya, “Dhiyo, nikech Ruoth Nyasaye biro miyi dalano.”

2 Ruodhi 10:12

Jehu nowuok kadhi Samaria. To kane osechopo Beth-eked Kajokwath,

2 Ruodhi 23:20

Jodolo duto mane Josia onwang’o e hembko nonego e kende-mag-misango. Eka nodok Jerusalem.

2 Ruodhi 9:7

Inineg dhood Ahab ma ruodhu, mondo ochulgo kuor kuom Jezebel nikech nochuero remb jotichna ma jonabi, kod jotichna mamoko duto.

2 Ruodhi 9:9

Analok dhoode mondo ochal gi dhood Jeroboam wuod Nebat, kendo machal gi dhood Baasha wuod Ahija.

2 Weche mag Ndalo 22:7

To Nyasaye nosechano ni mondo Ahazia otho kodhi limo Joram, omiyo, kane Ahazia ni kuno, nowuok gi Joram mondo girom gi Jehu wuod Nimshi, mane Ruoth Nyasaye oyiero mondo otiek od Ahab.

2 Weche mag Ndalo 22:8

Kane Jehu nego jodhood Ahab, noromo gi jodong Juda kod Ahazia, monegogi.

Ayub 18:19

Ok nowe nyikwayo ma dichung wiye, bende oonge gi joge ma odong’.

Zaburi 109:13

Nyikwaye duto mondo otho, mi nyinge lal nono kuom tieng’ mabiro.

Zaburi 125:5

To chieng’ mikumoe joricho, to kum joma timbegi obam bende. Israel mondo obed gi kue!

Ngeche 13:20

Kibedo e kanyakla mar joma riek, eka ibedo mariek, to kimako osiep gi joma ofuwo to ihinyori.

Hosea 1:4

Eka Ruoth Nyasaye nowacho ni Hosea niya, “Chak nyathino ni Jezreel, nimar achiegni kumo ruodh Israel kuom remo mane Jehu wuon mare ochwero Jezreel. Abiro tieko loch nyikwa Jehu e Israel,

Joshua 10:30

mi Ruoth Nyasaye nochiwe gi ruodhe e lwetgi, kendo ne ginego joma odakie duto, kod gimoro amora mangima mane ni kuno. Ne ok giweyo kata ng’at achiel kangima, kendo ne gitimo ni ruodh dalano mana kaka ne gitimo ni ruodh Jeriko.

Joshua 11:8

Ruoth Nyasaye nochiwogi e lwet jo-Israel, mi jo-Israel noloyogi, kendo nolawogi yo nyandwat nyaka Sidon Maduong’, kendo yo podho chieng’ nyaka Misrefoth, kendo yo wuok chieng’ nyaka holo mar Mizpa. Ne ginegogi, ma onge kata ng’at achiel ma nodong’ ka ngima.

Joshua 15:56

gi Jezreel gi Jokdeam gi Zanoa

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 20:10

kendo Satan mane owuondogi ne owit e ataro mar ligek mach, kama Ondiek kod Janabi mar Miriambo bende nitie. Kuno ginisandre odiechieng’ gotieno nyaka chieng’.