2 Ruodhi 1:3 - MUMA MALER 2015

³ To malaika mar Ruoth Nyasaye nowacho ni Elija ja-Tishbe niya, “Dhi irom gi joote mag ruodh Samaria, kendo ipenjgi nia, ‘Nyasaye onge e Israel ka koso, momiyo udhi mana ir Baalzebub mondo upenje wach?

Motingʼo Loko Manyien

³ To malaika mar Jehova Nyasaye nowachone Elija ja-Tishbi niya, “Dhiyo mondo irom gi joote mag ruodh Samaria mondo ipenjgi ni, ‘Nyasaye onge e Israel ka koso mamiyo upenjo Baal-Zebub ma nyasach jo-Ekron wach?’

2 Ruodhi 1:3 ပူးပေါင်းရင်းမြစ်များ

1 Ruodhi 11:33

Abiro golo loch kuome nikech oseweya, molamo Ashtoreth, nyasaye madhako mar jo-Sidon, gi Kemosh nyasach jo-Moab, kod Milkom nyasach jo-Amon, ka ok oluw yorena mondo otim gik malong’ona, kata rito chikena gi buchena kaka Daudi wuon mare notimo.

1 Ruodhi 17:1

Elija ja-Tishbe modak e piny Gilead nowacho ni Ahab niya, “Gi nying Ruoth Nyasaye ma Nyasach Israel, kata tho ok nomok e lum, kata koth ok nochue e piny kuom hignigi, mak mana ka awacho.”

1 Ruodhi 18:1

Bang’ ndalo mang’eny, ka oro osebetie kuom higni adek, wach Ruoth Nyasaye nobiro ni Elija niya, “Wuogi mondo Ahab oneni nikech abiro kelo koth e piny.”

1 Ruodhi 18:36

Kane sa michiwoe misango mar odhiambo ochopo, Elija janabi nosudo machiegni, mowacho niya, “Ruoth Nyasaye ma Nyasach Ibrahim, gi Isaka, kod Israel, yie mondo ji ong’e kawuono ni in e Nyasach Israel, kendo ni an e jatichni, mosetimo magi duto kaka iwacho.

1 Ruodhi 19:5

Noriere e tiend yadhno, monindo. Eka malaika nomule, ka wachone niya, “A malo, ichiem.”

1 Ruodhi 19:7

To malaika mar Ruoth Nyasaye noduogo, momule, ka wacho niya, “A malo, ichiem, nono to wuoth biro hingi.”

1 Ruodhi 21:17

To wach Ruoth Nyasaye nobiro ni Elija ja-Tishbe niya,

2 Ruodhi 1:2

Chieng’ moro Ahazia nogore piny koa e dirisa mar gorofa mar ode man Samaria, mohinyore. Nooro joote mondo odhi openj Baal-zebub nyasach Ekron kata kobiro kwo.

2 Ruodhi 1:6

Ne gidwoke niya, “Ng’at moro oromo kodwa, mowachonwa ni mondo wadog ir ruoth ma noorowa, wanyise ni Ruoth Nyasaye owacho kama: ‘Nyasaye onge Israel koso, momiyo ioro ji ir Baalzebub nyasach Ekron mondo ipenje wach? Kuom mano ok nikwo, to initho mana e kitanda minindoeno.’ ”

2 Ruodhi 1:8

Ne gidwoke ni, “Norwako law ma rayier, kendo notweyo okanda mar del e nungone.” Ahazia nowacho ni, “Kara en Elija ja-Tishbe.”

2 Ruodhi 5:15

Naaman gi joge duto nodok ir ng’at Nyasaye, mochung’ e nyime, kowachone niya, “Koro ang’eyo ni onge Nyasaye kamoro amora mak mana e Israel; omiyo akwayi ni yie ikawie mich moro matin.”

2 Ruodhi 5:8

To kane Elisha, ng’at Nyasaye owinjo kaka ruodh Israel oyiecho lepe, noorone wach niya, “Marang’o iseyiecho lepi? Or jalo ira, mondo ong’e ni kara janabi nitie e Israel.”

Zaburi 76:1

Nyasaye rahuma e piny Juda, kendo nyinge duong’ e piny Israel.

Isaya 8:19

Kamoro dipo ka ji biro wachonu ni mondo udhi upenj wach kuom ajuok nyakalondo kod ajuoke mamoko majajni kendo madhum. To bende ber ka joma ngima penjo joma otho wach adier? Nyasachgi donge ema onego gipenj wach? Ee, ber mondo giwinj mana chik Nyasaye gi wachne!

Jona 2:8

Joma lamo nyiseche manono nyalo weyo gik ma gigeno kuomgi,

Mariko 3:22

Jopuonj Chik moko mane oa Jerusalem ne wacho ni, “En gi jachien miluongo ni Beelzebul,” kendo ni, “Ruodh jochiendeno ema omiye teko mar golo jochiende.”

Tich Joote 8:26

Malaika mar Ruoth nowuoyo gi Filipo, mowachone ni, “A malo, mondo idhi yo milambo e yo moa Jerusalem kadhi Gaza.” (Yorno ng’ado e thim.)

1 Samuel 17:46

Tinendeni Ruoth Nyasaye biro chiwi e lweta, mi abiro negi, kendo ang’ad wiyi oko. Ringri gi ringre jolweny mag jo-Filistia abiro weyo ni winy mae polo, kendo ni ondiegi mae thim, mondo piny duto ong’e ni nitie Nyasaye e Israel.