2 Ruodhi 1:13 - MUMA MALER 2015

¹³ Eka ruoth nooro jatelo mar adek kod joge piero abich. Jatelono nodhi, mogoyo chonge piny e nyim Elija, kosaye niya, “Yaye ng’at Nyasaye, akwayi ni mondo ngimana kod ngima ji piero abichgi obedni ka gima igeno e chunyi.

Motingʼo Loko Manyien

¹³ Kendo ruoth nooro jatend jolweny mar adek kaachiel gi jolweny mage piero abich. Ngʼat mar adekno nodhi mogoyo chonge piny e nyim Elija kokwaye niya, “Ngʼat Nyasaye, yie ibedie gi ngʼwono ne ngimana to gi ngima mar ji piero abich ma an-gogi, an jatichni!

2 Ruodhi 1:13 ပူးပေါင်းရင်းမြစ်များ

1 Ruodhi 13:6

Eka ruoth nowacho ni ng’at Nyasaye niya, “Kwana Ruoth Nyasaye ma Nyasachi mondo bada ochangi.” Eka ng’at Nyasaye notimo kamano, mi bade notugore.

2 Ruodhi 1:12

To Elija nodwoke ni, “Ka an ng’at Nyasaye adier, to mach mondo oa e polo, otieki kaachiel gi jogi.” Mi mach noa e polo, motieke gi joge.

2 Ruodhi 1:14

Wasewinjo kaka mach noa e polo monego jotelo ariyogo, kaachiel gi jogi mag lweny, to koro mondo ngimana obedni ka gima igeno e chunyi.”

Zaburi 102:17

Enowinj ywak joge mosejwang’, kendo enochik ite ni lemogi.

Zaburi 72:14

Ogologi e thagruok, kendo e timbe mahundu, nimar okwano ngimagi ka gima nengogi tek.

Wuok 11:8

Bang’e jodongi nobi ira, mi ginikulrena ka giwacho niya, ‘Dhiyo, un gi jou duto!’ Bang’ mano eka naa.” Mi Musa noa ir Farao gi mirima mager.

Ngeche 27:22

Kata ka igoyo ng’at mofuwo mi both inego, to pod ofuwo afuwa.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jakobo 4:7

Emomiyo, winjuru Nyasaye. Tamuru Satan to noringu.

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.

1 Samuel 26:21

Eka Saulo nowacho niya, “Aseketho. Duogi, Daudi wuoda. Ok nachak atimni gima dihinyi, nikech nende iluoro ngimana. Awuoro, asefuwo, kendo alal marach.”