2 Ruodhi 1:11 - MUMA MALER 2015

¹¹ Ruoth nochako ooro ni Elija jatelo machielo kod joge piero abich. Jalo nodhi ir Elija, mowachone niya, “Ng’at Nyasaye, ruoth owacho ni mondo ilor piyo!”

Motingʼo Loko Manyien

¹¹ Eka ruoth nooro jatend jolweny machielo gi jolweny piero abich ir Elija. Jatelono nowachone Elija niya, ngʼat Nyasaye, ruoth wacho ni yie mondo ilor piyo.

2 Ruodhi 1:11 ပူးပေါင်းရင်းမြစ်များ

2 Ruodhi 1:10

To Elija nodwoke ni, “Ka an ng’at Nyasaye adier, to mach mondo oa e polo, otieki kaachiel gi jogi piero abichgo.” Eka mach noa e polo motieko jalo gi joge.

2 Ruodhi 1:12

To Elija nodwoke ni, “Ka an ng’at Nyasaye adier, to mach mondo oa e polo, otieki kaachiel gi jogi.” Mi mach noa e polo, motieke gi joge.

Ngeche 29:12

Ruoth ma ohero chiko ite ni weche mihango, bedo mana gi jotich ma jomriambo.

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Kwan 16:41

To kinyne oganda duto mar Israel nong’ur ni Musa gi Harun, ka giwachonigi gisemiyo jo Ruoth Nyasaye moko otho.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

1 Samuel 6:9

kung’iye. Kapo ni ochiko yo madhi thurgi nyaka Beth-shemesh, to wanang’e ni kara Ruoth Nyasaye ema osekelonwa masirani. To ka ok oluwo yorno, eka wanang’e ni ok en ema osandowa, to en gimoro mobironwa abira.”