2 Ruodhi 1:10 - MUMA MALER 2015

¹⁰ To Elija nodwoke ni, “Ka an ng’at Nyasaye adier, to mach mondo oa e polo, otieki kaachiel gi jogi piero abichgo.” Eka mach noa e polo motieko jalo gi joge.

Motingʼo Loko Manyien

¹⁰ Elija nodwoko jalwenyno niya, “Ka an ngʼat Nyasaye, to mach mondo oa e polo kendo otieki kaachiel gi jolweny magi piero abich.” Eka mach noa e polo mowangʼo jatend jolweny kod joge duto.

2 Ruodhi 1:10 ပူးပေါင်းရင်းမြစ်များ

1 Ruodhi 22:28

To Mikaya nowacho niya, “Kiduogo kingima, to kara Ruoth Nyasaye ok osemiyo awuoyo!”

2 Ruodhi 1:11

Ruoth nochako ooro ni Elija jatelo machielo kod joge piero abich. Jalo nodhi ir Elija, mowachone niya, “Ng’at Nyasaye, ruoth owacho ni mondo ilor piyo!”

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Ayub 1:16

To kane pok otieko wuoyo, jatich machielo nobiro mowacho niya, “Polo nende ogoyo rombe gi jokwath, motho pep, mak mana an kenda ema atony, omiyo abiro mondo anyisi.”

Zaburi 105:15

“Kik umul joga maseyiero, kendo kik utim ni jonabi maga marach.”

Zaburi 106:18

Mach ne omwoch kuom joma ne luwogi, mi owang’o joma richogo pep.

Daniel 3:22

To nikech chik ruoth ne ger, kendo mach ne liet malich, omiyo joma ne oting’o Shadrak gi Meshak kod Abednego katero e mach ne jowang’, mi orumo pep.

Daniel 3:25

To nomedo penjogi niya, “Ka kamano, to ang’o momiyo aneno ji ang’wen kawuotho e mach, ka ok otue, to bende ok wang’? To ng’at mar ang’wen kuomgi chalo mana gi Nyasaye!”

Daniel 6:24

Bang’ mano, ruoth ne ogolo chik ni mondo joma ne odonjo ni Daniel owiti e bur sibuoche kaachiel gi mondgi kod nyithindgi. To kane owitgi e bur kamano, sibuoche ne ongamogi moturo chokegi duto matindotindo, mana kapok gichopo kata e pier bur piny.

Tim jo-Lawi 10:2

Mi mach nomwoch e nyim Ruoth Nyasaye, motiekogi pep. Kamano ne githo kanyo e nyim Ruoth Nyasaye.

Kwan 11:1

E kinde moro jo-Israel noywak ni Ruoth Nyasaye kuom thagruokgi. Ruoth Nyasaye ne okecho kowinjo wechegigo, mi mach moa kuome nomuoch kuomgi, kendo oketho bath kambi konchiel.

Kwan 16:35

Ruoth Nyasaye nooro mach mowang’o ji mia ariyo gi piero abich mane oyudo wang’o ubani kande.

Mathayo 21:41

Ne gidwoke ni, “Enoneg jomarichogo gi nek marach, mi okaw puotheno omi jopur moko nono manyalo miye olemo monego oyudi e kinde ka kinde ma olemo ochiekie.”

Luka 9:54

To kane jopuonjre Yesu ma Jakobo kod Johana oneno kamano, ne gipenjo Yesu niya, “Ruoth, idwaro mondo waluong mach oa e polo, obi otiekgi koso?”

Tich Joote 12:19

Herode nogolo chik mondo odware, to ne ok ginyal yude. Omiyo ne onono jorit ahinya, eka nowacho ni mondo oneggi. Bang’e noa Judea odhi Kaisaria, mobet kuno kuom kinde moko.

Jo-Hibrania 12:29

nikech Nyasachwa en mach ma tieko gik mowang’o duto.

Fweny 11:5

Ka wasikgi dwaro hinyogi, to mach wuok e dhogi kendo tiekogi. Mano e tho ma ng’ato ang’ata madwaro hinyogi nyaka thogo.