2 Petro 3:7 - MUMA MALER 2015

⁷ To Nyasaye osewuoyo bende ni, polo kod piny ma kawuono okan ni Chieng’ Bura, mondo mach obi otieki kaachiel gi ji duto ma ok oluoro Nyasaye.

Motingʼo Loko Manyien

⁷ Kuom wach nogo ema omiyo polo gi piny masani okan ni mach. Okan-gi nyaka chop odiechiengʼno ma joma ochayo Nyasaye nongʼadnigi bura mi notiekgi chuth.

2 Petro 3:7 ပူးပေါင်းရင်းမြစ်များ

2 Petro 3:10

To chieng’ Ruoth nobi mana ka jakuo, kendo chieng’ onogo polo nolal nono ka riadore matek, kendo gik mae kor polo nowang’ mi rum pep. Piny bende nolal kaachiel gi gik manie iye.

Isaya 51:6

Ting’uru wang’u urang polo, nikech polo biro lal ka iro. Piny bende ranguru, nimar piny biro ti ka law, ka ji modakie tho ka lwang’ni, to resruok ma akelo nosiki, kendo teko ma awarogo ji ok norum.

2 Petro 3:12

ka urito chieng’ Nyasaye, kendo utiyo mondo orure piyo? En chieng’ ma polo nowang’ie mi rum pep, kendo gik manie kor polo noleny nono e mach.

Fweny 21:1

Bang’ mano, naneno polo manyien gi piny manyien. Polo mokwongo gi piny mokwongo noserumo, kendo nam bende noselal nono.

Mathayo 24:35

Polo gi piny norum. Wechena to ok norum ngang’.

2 Petro 2:9

Kamano waneno ni Ruoth ong’eyo reso joma oluore kuom tem mochomogi, kendo ong’eyo keto joricho e kum nyaka chop Chieng’ Bura,

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.

Mathayo 12:36

“Awachonu ni, Chieng’ Bura, ng’ato ka ng’ato nodwok wach kuom weche manono duto mosewacho.

Juda 1:7

Bende paruru Sodom gi Gomora kod mier mokiewo kodgi. Gin bende ne gidonjo e tim terruok kod dwanyruok madhoch, mi giyudo kum mar mach mak tho, mondo obed ranyisi ni ji duto.

1 Timotheo 6:9

Joma dwaro bet jomwandu podho e tem kod gombo mathoth mofuwo kendo mahinyogi. Gombo ma kamago rwako ji e kethruok, kendo miyo ji lal,

Jo-Filipi 1:28

Kik uluor wasiku, to pile beduru gi chir, nikech mano biro nyisogi ni gin ginilal, to un noresu, nikech Nyasaye owuon ema biro nyisogi kamano!

1 Johana 4:17

Ka hera malong’o opong’o chunywa, to wanyalo bedo gi chir Chieng’ Bura, nikech ngimawa e pinyni chalo gi mar Kristo.

2 Jo-Thesalonika 2:3

Kik uyie mondo ng’ato owuondu e yo moro amora, bed ni en yor fweny, kata en wach ma ng’ato ohulo, kata barua moro muparo ni mit oa kuomwa, nimar chiengno ok nobi kapok Piem Mogik obetie, kendo kapok Ng’at Mochayo Chik othinyore. En e Jal ma gikone en mana lal.

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Mariko 6:11

To kamoro amora ma ji ok dwarue, to ayeuru, kendo teng’uru buch tiendu, mondo obednigi siem!”

Mathayo 11:24

Awacho ni, Chieng’ Bura to Nyasaye nokumi malit moloyo kaka nokum Sodom!”

Mathayo 11:22

Awachonu ni, Chieng’ Bura to Nyasaye nokumu malit moloyo kaka nokum Turo gi Sidon.

Mathayo 10:15

Awachonu adier ni, Chieng’ Bura, to Nyasaye nokum jodalano malit moloyo kaka nokum jo-Sodom gi jo-Gomora.

Zefania 3:8

“Kuom mano an Ruoth Nyasaye, awachonu niya, ‘Ritauru! Adier, rituru chieng’ ma abiro chung’ie ka ayalou, nimar asechano choko ogendini kod dhoudi kanyakla, mondo aol kuomgi mirimba duto maliet ka mach, kendo mabiro wang’o piny duto ma tiek pep.

Zaburi 102:26

Gin to ginirum; in to isiko mochwere. Giduto ginidok moti, kaka law doko moti, kendo inilokgi kaka iloko law mi girum chuth.

Zaburi 50:3

Nyasachwa biro, to ok obi ling’ aling’a. Mach mang’ang’ni nie nyime, kendo yamb koth maratipo kudho kolwore.

Fweny 17:11

To ondiek ma yande nitie, to tinde ongeno, en ruoth mar aboro, to bende en achiel kuom ruodhi abiriyogo, kendo ibiro tieke.

Fweny 17:8

Ondiek mane inenono, yande nitie, to tinde oonge. To obiro wuok e Bur Matut Maonge Gikone mi tieke. Ji duto modak e piny, ma nyinggi ok ondiki e kitap ngima chakre chuech piny, nowuor ka gineno ondiegno, nimar yande entie, to tinde oonge, to nochak oduog kendo.

Isaya 66:15

Neuru kaka Ruoth Nyasaye biro ei mach, ka gechene mag lweny chalo kalausi, mondo osand ji gi mirimbe mager ka mach makakni.

Daniel 7:9

Kane oyudo pod ang’icho, kombe mag loch ne oket kanyo. Eka ng’at moro machon ma nyaka nene, ne obet e kom achiel. Lepe ne tar ka pe, kendo yie wiye ne chalo gi yie rombo marachar thiriri. Kome ne en mana mach maliel, kendo ne en gi tiende motimo mach mosiko ka liel aliela.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Johana 12:48

To ng’at modaga, kendo ma ok oyie wechena, nigi jang’adne bura. Wach ma asewacho ema nong’adne bura chieng’ giko piny,

1 Jo-Korintho 3:13

to tich ng’ato ka ng’ato nong’ere malong’o mana Chieng’ Giko. Chieng’no nobi gi mach, kendo mach notem tich mane ng’ato ka ng’ato otiyo.

Jo-Hibrania 12:29

nikech Nyasachwa en mach ma tieko gik mowang’o duto.