2 Johana 1:6 - MUMA MALER 2015

⁶ To hera ma awuoyo kuomeni dwaro ni mondo wawuothi kaka chik Nyasaye dwaro. En e chik achiel ma usewinjo a chakruok, ni, “Daguru e hera.”

Motingʼo Loko Manyien

⁶ To hera ma awuoyo kuomeni en ni mondo wawuoth kaka chik Nyasaye dwaro. To mana kaka ne usewinjo nyaka aa chakruok, chik Nyasaye en ni wuothuru e hera.

2 Johana 1:6 ပူးပေါင်းရင်းမြစ်များ

Johana 14:15

“Ka uhera to unumak chikena.

Johana 14:21

Ng’at mong’eyo chikena, kendo orito, ema ohera. Ng’at mohera, ema Wuora bende noher. An bende anahere, mi afwenyrane.”

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Johana 15:10

Ka urito chikna, to eka usiko e herana, mana kaka an bende aserito chik Wuora, kendo asiko e herane.

Johana 15:14

Ka utimo gik ma achikou, to eka un osiepena.

Rapar mar Chik 13:4

Luwuru Ruoth Nyasaye ma Nyasachu kumiye duong’ kendo kurito chikene. Winjuru gima owacho, kendo lameuru kupadoru kuome.

1 Johana 2:24

Un to neuru ni wach musewinjo nyaka a chakruok osiko e chunyu. Ka gima nuwinjo nyaka a chakruokno osiko e chunyu, to pile unusik ka unie achiel gi Wuowi kod Wuoro.

1 Johana 2:5

To ng’ama orito wach Nyasaye ema hera moherogo Nyasaye oselosi mobedo malong’o chuth. Mano e kaka wanyalo bedo gi ratiro ni wan jo-Nyasaye.

1 Johana 2:7

Osiepena, chik ma andikonuni ok en chik manyien, to en chik machon ma usebedogo nyaka a chakruok.

1 Johana 5:15

To ka wang’eyo ni pile owinjo kwayowa kamano, to wang’eyo bende ni ose mana miyowa gik ma wakwayo.

1 Johana 5:3

nikech hero Nyasaye en mako chikene. Chike Nyasaye ok tek rito,

2 Johana 1:5

omiyo koro Minwa, akwayi ni mondo ng’ato ka ng’ato kwomwa oher wadgi. Gima andikoni ok en chik manyien, to en chik ma wasebedogo nyaka a chakruok.