1 Timotheo 4:8 - MUMA MALER 2015

⁸ Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.

Motingʼo Loko Manyien

⁸ Nikech kata obedo ni tuke mag rieyo del konyo ji e yore moko, to luoro Nyasaye nigi gweth mathoth moloyo, en gi ohala e ngima masani kendo e ngima mabiro bende.

1 Timotheo 4:8 ပူးပေါင်းရင်းမြစ်များ

Ayub 22:2

“Bende dhano nyalo konyo Nyasaye adier, kata da bed ni oriek manadi?

Ayub 36:11

Ka gimiyo Nyasaye luor, kendo gitiyone, to gidak gi kue kendo gidhi nyime maber e ndalogi duto.

Zaburi 145:19

Ji duto ma oluore, omiyo gik moko duto ma gichando, bende owinjo ywakgi, kendo oresogi.

Zaburi 37:11

To joma muol ema nobed weg piny, kendo giniyud mor maduong’ ka gidak gi kue.

Zaburi 37:29

Ng’at makare nodag e piny gi kue nyaka chieng’.

Zaburi 37:9

Joma ogeno kuom Ruoth Nyasaye biro dak gi kue e piny, to joma richo ibiro riemb oko.

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Ngeche 19:23

Luor Ruoth Nyasaye mondo idag aming’a gi kue maonge gima thagi.

Ngeche 22:4

Bed ng’ama ok sungre, kendo luor Ruoth Nyasaye, eka iyud mwandu gi luor, kendo idag aming’a.

Eklesiastes 8:12

Jaricho nyalo timo richo ndalo mathoth, to eka pod odak adaka aming’a. Adier, ang’eyo ni ji wacho niya, “Ka iluoro Nyasaye to gik moko duto dhini maber,

Isaya 3:10

Ng’at makare en jahawi, kendo gik moko duto dhine maber, nikech oyudo pok kuom gik mabeyo motimo.

Isaya 33:16

Ng’at ma kamano nodag kama oting’ore mokue. Got mabor motimo lwendni ema nobed kare mar geng’ruok, kendo enobed koyudo chiemo gi pi morome.

Jeremia 6:20

Ere tiende kelona ubani moa Sheba, kata gik mang’ue ng’ar moa e pinje maboyo? Ok anayie misengni miwang’o pep, kendo ok anabed mamor gi misengni mamoko ma gitimona.”

Mathayo 12:32

Ng’at mowacho wach moro marach kuom Wuod Dhano, to owene, to ng’at mowuoyo marach kuom Roho Maler ok nowene e pinyni kata e piny mabiro.

Mathayo 19:29

Kendo ng’ato ka ng’ato moseweyo udi, kata owetene, kata nyiminene, kata wuon, kata min, kata nyithinde, kata lope, nikech an, noyud gigo nyadi mia achiel, kaachiel gi ngima mochwere bende.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Mariko 10:30

to noyud mier, gi owete, gi nyimine, gi mine, gi nyithindo kod lowo nyadi mia achiel e piny ka, kaachiel gi sand bende, kendo enoyud ngima mochwere e piny mabiro.

Luka 5:38

Kuom mano divai manyien nyaka ol mana e ndede manyien.

Jo-Rumi 8:28

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

1 Jo-Korintho 3:22

Adier, bed ni en Paulo, kata en Apolo, kata en Petro, kata en pinyni, kata en ngima, kata en tho, kata gin gik matimore ndalogi, kata gik mabiro, to duto gin mau!

1 Jo-Korintho 8:8

To chiemo ok nyal miyo Nyasaye yie kodwa. Kata ka ok wachiemo, to onge gima wawito, to bende kata ka wachiemo, to onge ohala ma wayudo.

1 Timotheo 4:7

To bed mabor gi sigendini manono mag pinyni maonge tiendgi. Bed kipuonjo timo timbe mowinjore gi luoro Nyasaye.

1 Timotheo 6:3

To ka ng’ato kelo puonj mayore, kendo ma ok oluwore gi weche maradier gi mag Ruodhwa Yesu Kristo, kod puonj ma miyo ji luoro Nyasaye,

1 Timotheo 6:5

kod dondruok maonge giko. Joma timo gik ma kamago gin joma parogi okethore, kendo ma adiera oselalnigi. Giparo ni lamo Nyasaye nyalo kelonigi ohala!

1 Timotheo 6:6

To chutho, lamo Nyasaye nyalo keloni ng’ato ohala, to mana ka gik ma en-go orome.

2 Timotheo 3:5

Ginitim gik mamiyo ginenore ka joma oluoro Nyasaye, to ngimagi to nonyis ni gionge gi teko ma luoro Nyasaye kelo. In to nyaka ibed mabor gi joma kamago.

Tito 3:8

Wechego gin adier, kendo adwaro ni mondo ine ni ji owinjore, mondo joma oyie kuom Nyasaye oket chunygi kuom timo gik mabeyo. Adier, wechego beyo kendo konyo ji.

Jo-Hibrania 13:9

Puonj moro mayore kendo magalagala kik golu e yo. En gima ber ka chunywa yudo teko kuom ng’wono mar Nyasaye, to ok kuom rito chike mag chiemo michamo, nikech rito chike ma kamago pok okonyoe ng’at moritogi.

1 Johana 2:25

Ma e singruok mar ngima ma nyaka chieng’ mane osingore ni nomiwa.

Fweny 3:12

To ng’at molocho anami bed siro e Hekalu mar Nyasacha, mi ok nochak owuog kanyo kendo nyaka chieng’. Anandik nying Nyasacha kuome, kod nying dala mar Nyasacha, ma en Jerusalem manyien, mabiro lor kaa e polo kuom Nyasacha. Nyinga maler bende nandik kuome.

Fweny 3:21

To ng’at molocho anami bed koda e kom duong’na, mana kaka an bende ne alocho, mi abet kod Wuora e kom duong’ne.

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.