1 Timotheo 4:12 - MUMA MALER 2015

¹² ma ok iyie mondo ng’ato ochayi nikech itin. To bed ranyisi ni jo-Kristo, kuom weche miwacho, gi gik mitimo, kod hera miherogi ji, kendo kuom bedo jaadiera, bende kuom bedo ng’ama ler.

Motingʼo Loko Manyien

¹² Kik iyie mondo ngʼato ochayi nikech pod itin, to bed ranyisi ni joma oyie kuom weche miwacho, gi gik mitimo, kod hera miherogo ji kendo kuom bedo ja-adiera kendo kuom dak e ngima maler.

1 Timotheo 4:12 ပူးပေါင်းရင်းမြစ်များ

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Mathayo 18:10

“Neuru ni ok uchayo achiel kuom joma tindogi. Awachonu ni malaika manie polo moritogi neno wang’ Wuora e polo ndalo duto. [

1 Jo-Korintho 11:1

Luwuru timna kaka an bende aluwo tim Kristo.

Jo-Filipi 4:8

To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won.

1 Jo-Thesalonika 1:6

Ne uluwo timwa kod tim Ruoth bende. To kata obedo ni Injili nokelonu chandruok malit kamano, to ne urwake gi mor ma Roho Maler ochiwo.

1 Jo-Thesalonika 2:10

Un ema ung’eyo, mana kaka Nyasaye bende ong’eyo ni kane wan kodu, to timbewa ne ler kendo kare, maonge ketho moro e nyimu un joma oyie.

1 Timotheo 1:14

Bende Ruodhwa Yesu Kristo ne onyisa ng’wono mogundho ahinya, kaachiel gi yie kod hera ma wayudo ka wan kuome.

2 Timotheo 2:15

Tem matek mondo inyis ji ni in ng’at ma Nyasaye oyiego, kendo mapuonjo wach mar adiera e yo makare, kaka jatich ma tichne ok kuod wiye.

2 Timotheo 2:22

Nyaka iring ia e gombo mag yawuowi, to ibed e kanyakla mar joma sayo Ruoth gi chuny maradier, kendo madwaro bedo joadiera, kendo madwaro tim makare gi hera kod kue.

2 Timotheo 2:7

Par gima awachoni, kendo Ruoth nokonyi ng’eyo tiend weche duto.

Tito 2:15

Mago e gik ma nyaka ipuonj ji, kijiwogi kendo ikwerogi gi teko duto momiyi, to kik iyie mondo ng’ato ochayi.

Tito 2:7

In iwuon nyaka ibednigi ranyisi maber, kendo kipuonjo, to nyis ni in ng’at moriere, ma ok dwar oyuma.

Jakobo 3:13

Ka ng’ato kuomu paro ni oriek kata ong’eyo gimoro, to ber mondo timne makare kendo mamuol onyis ni en ng’ama riek adier.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

1 Petro 5:3

Kik utimru ruodhi ni jogo moketi e lwetu ka kueth mondo uriti, to nyaka udok nigi ranyisi maber.