1 Timotheo 3:6 - MUMA MALER 2015

⁶ Kik obed ng’at mowar machiegni, dipo ka sunga omake, mi bura mane oloyo Satan oloye en bende.

Motingʼo Loko Manyien

⁶ Kik obed ngʼat moyudo warruok machiegni, nono to sunga nyalo make mi opodhi kendo bura loye kaka noloyo jachien.

1 Timotheo 3:6 ပူးပေါင်းရင်းမြစ်များ

2 Ruodhi 14:10

Adieri, iseloyo jo-Edom, mi koro ipakori. Pakruoknino mondo oromi, to ibedgo mana e dala. Ang’o momiyo iero miero ma biro tieki, kaachiel gi jo-Juda?”

2 Weche mag Ndalo 26:16

Kane Uzia osedoko motegno kamano, nobedo jasunga mi okethore. Nochayo Ruoth Nyasaye ma Nyasache, modonjo ei Hekalu mar Ruoth Nyasaye mondo owang’ ubani e kendo-mar-ubani.

2 Weche mag Ndalo 32:25

To Hezekia ne ok odwoko erokamano marom gi ber mane otimne, to nodoko jasunga. Emomiyo Ruoth Nyasaye nokecho kode kaachiel gi jo-Juda kod jo-Jerusalem.

Ngeche 18:12

Ng’at mamuol ema yudo duong’. Jasunga to luwo yo mochiko kethruok.

Ngeche 29:23

Sunga ema miyo ji podho. Joma muol to yudo luor.

Isaya 2:12

Adier, Ruoth Nyasaye Manyalo Gik Moko Duto oseketo chieng, ma noyalie josunga ma kawore, mi oruch e buru.

Daniel 11:12

Bang’e sunga nomake nikech lochneno, kendo nikech jolweny mang’eny mosenego, to lochne ok nodhi nyime.

Luka 10:18

Yesu nowachonigi ni, “Ne aneno ka Satan lwar a e polo, mana ka mil polo!

1 Jo-Korintho 3:1

Kamano owetena, ne ok anyal wuoyo kodu kaka awuoyo gi joma nigi Roho. To ne nyaka awuo kodu ka gima un joma onge gi Roho, kendo mapod yom kuom Kristo.

1 Jo-Korintho 8:1

Koro adwaro wuoyonu kuom chiemo motimgo misango ni nyiseche manono. Uwacho niya, “Wang’eyo ni wan duto wan gi rieko.” To rieko ma kamano kelo sunga, to hera to emamiyo ji dongo.

2 Jo-Korintho 12:7

Emomiyo ne omiya kudho machwowo ringra, ma en jaote mar Satan, mondo omonja kik asungra, kata kik ating’ra malo nikech duong’ miwuoro mar gik mane Nyasaye ofwenyona.

Rapar mar Chik 17:20

Kotimo kamano, to ok nosungre ni jowadgi, kendo ok nowe mak orito chikego kata matin. Bang’e en kaachiel gi nyikwaye ginibed ruodhi mag Israel aming’a.

Rapar mar Chik 8:14

to kik ubed josunga, mi wiu wil gi Ruoth Nyasaye ma Nyasachu mane ogolou Misri kuma nubedoe wasumbni,

1 Timotheo 3:7

Bende nyaka obed ng’at ma joma ok jo-Kristo ogeno, mondo kik ji yud thuolo mar chaye, ma dimi opodhi e obadho mar Satan.

1 Timotheo 6:4

to mano nyiso ni en ng’at ma jasunga, kendo ok ong’eyo gimoro. Oowore mana gi mino wach, kod goyo mbaka makelo nyiego, gi dhaw, gi hango wach, gi chich maricho mamiyo ji parruok,

2 Timotheo 3:4

Ginibed andhoke kendo joma mwomore kendo josunga, bende ginibed joma ohero raha moloyo Nyasaye.

1 Petro 2:2

Kaka nyithindo mayom gombo cha minegi, e kaka un bende onego ugomb chak maliw mar chuny, mamiyo udongo nyaka chop e warruok,

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”

2 Petro 2:4

Nyasaye ne ok oweyo malaika mane oketho mak okumo, to nowitogi e mach ma ok tho, kuma otuegie e mudho gi nyororo ka girito Chieng’ Bura.

Juda 1:6

Malaika mane okalo tong’ mar teko momigi, mi oweyo kuma onego gibedie, bende Ruoth oseketo e mudho, kotue mochwere gi nyororo, nyaka chop ng’ad buchgi, Chieng’ Maduong’.