1 Timotheo 2:9 - MUMA MALER 2015

⁹ Mon bende onego rwakre gi lewni mowinjore, ka gibidhore kendo giritore kare. Rwakruokgi kik bed mana mar kado wich, kata mar dhahabu, kata kite mabeyo, kata lewni ma nengogi tek,

Motingʼo Loko Manyien

⁹ Adwaro bende ni mon orwakre gi lewni mowinjore ka gibidhore kendo giritore maber, to rwakruokgi kik bed mana mar kado wich kata mar dhahabu kata mar rwako tigo ma nengone tek kata lewni ma nengogi tek,

1 Timotheo 2:9 ပူးပေါင်းရင်းမြစ်များ

Chakruok 24:53

Eka nomiyo Rebeka gik moko mag fedha gi mag dhahabu, kaachiel gi lewni. Owadgi Rebeka kod min-gi bende nomiyo chiwo moko ma nengogi tek.

2 Ruodhi 9:30

Kane Jehu ochopo Jezreel, Jezebel nowinjo birone, omiyo nowiro wang’e gi mo, kendo oloso yie wiye. Eka nong’icho gie dirisa.

Zaburi 149:4

nimar Ruoth Nyasaye ohero joge. Oting’o joma obolore malo, komiyo gilocho.

Ngeche 31:22

Ochueyo lewni mipedho e kitendni.

Ngeche 31:25

Oratego kendo ji ogene, bende ndalo mabiro ok goye kibaji.

Ngeche 7:10

Eka ne opo ka oromo gi dhakono korwakore malich ka dwaro mondo oyud dichwo.

Isaya 3:16

Eka Ruoth Nyasaye nochako owacho niya, “Mond Sayun sungore kendo kawore, ka ging’ayo ng’utgi malo, kendo gimoyo wang’gi. Bende giwuotho ka ging’adore kendo manyonge manie tiendegi ywak.

Isaya 61:4

Ginichak giger kuonde mane omukore, kendo ginichak gilos mier mane okethore chon. Adier, ginilos mier mane okethore, modong’ gundni kuom higni mang’eny,

Jeremia 2:32

Bende wi nyako nyalo wil gi gik ma olichorego? Koso wi miaha nyalo wil gi lawe mar kisera? An to, wi joga osewil koda kuom ndalo mang’eny mokadho akwana.

Jeremia 4:30

Un jo-Jerusalem, urumo! Ere gimomiyo urwakoru gi lewni mabeyo, koso ere gima omiyo urwako stadi kendo uwiro wengeu? Ubisoru maber kayiem nono, to chodeu oseweyou, kendo koro dwaro negou.

Mathayo 11:8

To ka ok kamano, to ang’o mane udhi neno? Koso ne udhi neno ng’at morwakore gi lewni mabeyo? Ooyo! Joma rwakore kamano iyudo mana e ut ruodhi!

1 Timotheo 2:10

to onego girwakre gi timbe mabeyo kaka owinjore gi mon ma wacho ni oluoro Nyasaye.