1 Timotheo 2:7 - MUMA MALER 2015

⁷ Mano emomiyo noketa jaote, mondo aland wachno, kapuonjo joma ok jo-Yahudi wach mar yie maradier. Ok ariambi, to awacho adiera!

Motingʼo Loko Manyien

⁷ Mano emomiyo ne oyiera kaka jahul wach kendo kaka jaote. Awacho adier, ok ariambi, kendo an japuonj wach yie madier ne joma ok jo-Yahudi.

1 Timotheo 2:7 ပူးပေါင်းရင်းမြစ်များ

Zaburi 111:7

Gik moko duto motimo, otimo kare kendo gi adiera, bende chikene duto ogurore ma ok lokre.

Eklesiastes 1:12

An Jayalo, asebedo ruodh Israel ka adak Jerusalem.

Eklesiastes 7:27

An Jayalo awacho niya: Adier, ne afwenyo wechegi achiel kachiel kane oyudo adwaro mondo ang’e tiend gik moko,

Johana 7:35

Jodong jo-Yahudi nopenjore kendgi niya, “Kanye modwaro dhiye ma ok wanyal nwang’ee? Koso odwaro dhi kuom jo-Yahudi modak e pinje joma ok jo-Yahudi mondo opuonj joma ok jo-Yahudi?

Tich Joote 14:27

Kane gichopo Antiokia, ne gichoko jo-Kristo duto kaachiel, mi ginyisogi gik moko duto mane Nyasaye osemiyo gitimo, kendo kaka noseyawo yo ma joma ok jo-Yahudi mondo odok joma oyie kuom Kristo.

Tich Joote 22:21

To Ruoth nowachona ni, ‘Dhiyo nikech abiro teri kuonde maboyo ir joma ok jo-Yahudi.’ ”

Tich Joote 26:20

Mokwongo nanyiso joma odak Damaski kendo modak Jerusalem kod joma odak e piny Judea duto, ni nyaka gilokre giwe richogi giduog ir Nyasaye, kendo gitim gik manyiso ni giselokore. Eka ne anyiso joma ok jo-Yahudi bende kamano.

Tich Joote 9:15

To Ruoth nowachone niya, “Dhi adhiya, nikech en ema aseyiere obed jatichna mondo omi ogendini ma ok jo-Yahudi, kaachiel gi ruodhi kod jo-Israel, ong’eya.

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

Jo-Rumi 10:14

To ere kaka ji nyalo lame, ka ok giyie kuome? Koso ere kaka digiyie kuom Jal ma pok giwinjo wachne? Koso digiwinj ni entie nadi, ka ng’at malandonigi wach onge?

Jo-Rumi 11:13

To koro adwaro wuoyo kodu un joma ok jo-Yahudi. Kaka oseketa jaote ni joma ok jo-Yahudi, akwano tijano ka gima duong’ ahinya,

Jo-Rumi 15:16

mondo abed jatich Kristo Yesu, kendo mondo ati tich dolo ni joma ok jo-Yahudi. Tijano en lando Wach Maber mar Nyasaye mondo joma ok jo-Yahudi obed misango malong’o ni Nyasaye, ma Roho Maler osepwodho.

Jo-Rumi 9:1

Kaka an ja-Kristo, gima koro adwaro wacho en adier chutho. Ang’eyo e chunya ni ok ariambi,

1 Jo-Korintho 9:1

Donge an ng’at man thuolo? Koso donge an jaote mar Kristo? Donge aseneno Yesu Ruodhwa? Koso ok un e ranyisi mar tich ma atiyo ni Ruoth?

2 Jo-Korintho 11:31

Nyasaye ma Wuon Ruoth Yesu ma ipako nyaka chieng’ ema ong’eyo ni ok ariambi.

Jo-Galatia 1:16

mondo ofwenyna Wuode aland Wachne Maber ni joma ok jo-Yahudi, to ne ok apenjo dhano gima onego atim.

Jo-Galatia 1:20

Akuong’ora e nyim Nyasaye, ni weche ma andikonugi gin adier!

Jo-Galatia 2:16

To kata kamano, wang’eyo ni mako Chik Musa ok nyal miyo ng’ato bed e winjruok gi Nyasaye, to mana yie kuom Yesu Kristo ema miyo ng’ato bedo e winjruok gi Nyasaye. Wan bende waseyie kuom Kristo Yesu, mondo wabed e winjruok gi Nyasaye kuom yie, to ok kuom mako Chik, nimar Muma wacho ni, “Onge ng’ama nyalo bet e winjruok gi Nyasaye kuom mako Chik.”

Jo-Galatia 2:9

Kuom mano, Jakobo gi Petro kod Johana, ma ji oyiego ni jotelo mag kanyakla mar jo-Kristo, nong’eyo mich mane Nyasaye osemiya kuom ng’wonone, mi gimako lwet Barnaba kod lweta kaka ranyisi ni wariwore kodgi e tich. Ne wawinjore waduto ni wan wadhi ir joma ok jo-Yahudi to gin gidhi ir jo-Yahudi.

Jo-Galatia 3:9

Omiyo kaka Ibrahim noyie, mi oguedhe, e kaka ji duto moyie bende oguedhi.

2 Timotheo 1:11

Ne oyiera mondo aland Wach Maber kaka jaote kendo japuonj.

2 Petro 2:5

Bende Nyasaye ne ok oweyo piny machon mak otieko, kane okelo ataro e piny joricho, to noreso mana Nowa, mane jaland Wach Makare, kod ji mamoko abiriyo.