1 Timotheo 1:7 - MUMA MALER 2015

⁷ Chunygi dwaro mondo gibed jopuonj Chik Nyasaye, to ok ging’eyo tiend weche ma giwacho, kata mana tiend puonj ma gipuonjo ka giramo ni e adier.

Motingʼo Loko Manyien

⁷ Gigombo mondo gibed jopuonj Chik to gikia tiend gik ma giwacho kata gik ma giwuoyo kuomgi.

1 Timotheo 1:7 ပူးပေါင်းရင်းမြစ်များ

Mathayo 15:14

Omiyo wegiuru aweya! Gin jotelo mamuofni. Ka muofu otelo ni muofu wadgi, to donge giduto ginyumore e bur?”

Mathayo 21:27

Kuom mano ne gidwoko Yesu ni, “Ok wang’eyo.” Eka Yesu nowachonigi ni, “Ka kamano, to an bende ok anyal nyisou kuma ayudoe teko matimogo gigi.

Luka 2:46

Bang’ ndalo adek, ne ginwang’e e Hekalu, kobet e dier jopuonj jo-Yahudi, kowinjo puonjgi, kendo openjogi weche.

Tich Joote 15:1

Jomoko noa Judea, mi obiro Antiokia, kendo ochako puonjo owete ka wachonigi niya, “Ka ok oteru nyangu kaka Chik Musa dwaro, to ok unyal yudo warruok.”

Jo-Rumi 1:22

Giwacho ni giriek, to gin mana joma ofuwo.

Jo-Galatia 3:2

Dwokauru ane wach achielni: Uparo ni ne uyudo Roho nikech ne urito Chik, koso nikech ne uyie Wach Maber mane olandnu?

Jo-Galatia 3:5

Uparo ni Nyasaye chiwonu Rohone mogundho, kendo timo honni madongo e kindu, nikech umako Chik, koso nikech uyie Wach Maber mane uwinjo?

Jo-Galatia 4:21

Adwaro penjo joma dwaro bedo e bwo Chik ka gisewinjo gima Chik wacho?

1 Timotheo 6:4

to mano nyiso ni en ng’at ma jasunga, kendo ok ong’eyo gimoro. Oowore mana gi mino wach, kod goyo mbaka makelo nyiego, gi dhaw, gi hango wach, gi chich maricho mamiyo ji parruok,

2 Timotheo 3:7

Gin mon matemo puonjore pile, to ok nyal ng’eyo adiera chuth.

Jakobo 3:1

Owetena, kik ji mang’eny kuomu bed jopuonj, nimar nyaka ung’e ni wan jopuonj nong’adnwa bura malit moloyo ji moko.

2 Petro 2:12

To jogo chalo gi le maonge rieko, mane onywol mana ni mondo omaki kendo onegi. Giwuoyo marach kuom gik ma gikia, omiyo gin bende notiekgi mana ka le maonge rieko.