1 Timotheo 1:4 - MUMA MALER 2015

⁴ Bende nyisgi mondo giwe keto chunygi kuom sigendini manono kod sigendini mag anywola, nimar mago gin mana weche makelo mbaka ma ok rum, to ok gimi ji ng’e cheno mar Nyasaye, miyudo kuom yie.

Motingʼo Loko Manyien

⁴ Bende giwe keto chunygi e sigendini manono gi sigendini mag nonro mag anywola ma ok rum. Gik ma kamagi medo mana mbaka makelo miero kar gero tich Nyasaye, ma gerore kuom yie.

1 Timotheo 1:4 ပူးပေါင်းရင်းမြစ်များ

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

Jo-Efeso 3:2

Ang’eyo ni usewinjo kaka Nyasaye osemiya tich mar landonu Wach Maber kuom ng’wonone,

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

1 Timotheo 4:7

To bed mabor gi sigendini manono mag pinyni maonge tiendgi. Bed kipuonjo timo timbe mowinjore gi luoro Nyasaye.

1 Timotheo 6:11

To in ng’at Nyasaye, nyaka ibed mabor gi gigo duto, to dwar mondo ibed mana ng’ama kare, kendo moluoro Nyasaye, bende man gi yie kod hera, kendo motimo kinda, kendo mamuol.

1 Timotheo 6:20

To in Timotheo, rit gima osemiyi mondo irit. Kik ichik iti ni weche manono ma onge tiendgi, kod mbekni ma ji goyo kuom gima giluongo ni rieko, to adier ok en rieko kata matin!

2 Timotheo 2:14

Nyaka ibed kiparo ni ji wechego, kendo chikgi matek e nyim Nyasaye, ni kik gimin wach, nimar timo kamano ok kony gimoro kata matin to kelo mana kethruok ni joma winjo.

2 Timotheo 2:22

Nyaka iring ia e gombo mag yawuowi, to ibed e kanyakla mar joma sayo Ruoth gi chuny maradier, kendo madwaro bedo joadiera, kendo madwaro tim makare gi hera kod kue.

2 Timotheo 2:23

Bed mabor gi mbekni mofuwo maonge rieko, king’eyo ni gikelo miero.

2 Timotheo 4:4

Ginidagi winjo adiera, to ginichik itgi mana ni sigendini manono.

Tito 1:1

An Paulo, ma misumba Nyasaye, kendo jaote Yesu Kristo, ema andiko baruani. Nyasaye ne oora mondo ajiw yie mar joma Nyasaye oyiero obed motegno, kendo mondo apuonjgi adiera mamiyo giluoro Nyasaye,

Tito 1:14

ma ok gidewo sigend jo-Yahudi, gi chik mag ji modagi adiera.

Tito 3:9

To nyaka iwe mbekni mofuwo, gi sigendini mag anywola, kod dhaw gi piem kuom weche mag Chik Musa, nikech weche ma kamago onge ohala, kendo gin weche manono.

Jo-Hibrania 13:9

Puonj moro mayore kendo magalagala kik golu e yo. En gima ber ka chunywa yudo teko kuom ng’wono mar Nyasaye, to ok kuom rito chike mag chiemo michamo, nikech rito chike ma kamago pok okonyoe ng’at moritogi.

2 Petro 1:16

Kane wanyisou kaka Ruodhwa Yesu Kristo biro gi duong’ maler, to ne ok wakonyore gi sigendini ma dhano ochuogo, to wan wawegi ne wanene gi wang’wa, ka en gi duong’ne maler duto.