1 Timotheo 1:12 - MUMA MALER 2015

¹² Agoyo erokamano ni Ruodhwa Yesu Kristo kuom miya teko mondo ati tijni, nikech nokwana ka jaadiera, mi oyiera mondo atine.

Motingʼo Loko Manyien

¹² Agoyo erokamano ni Kristo Yesu Ruodhwa mosemiya teko nikech ne okwana kaka ja-adiera mi oyiera e tichne.

1 Timotheo 1:12 ပူးပေါင်းရင်းမြစ်များ

Mathayo 20:4

Nowachonigi niya, ‘Un bende, dhiuru e puotha, to abiro miyou pok mowinjore.’

Johana 5:23

mondo ji duto omi Wuowi duong’ mana kaka gimiyo Wuoro. Ng’at ma ok mi Wuowi duong’, to ok mi Wuoro mane ooro Wuowi duong’.

Tich Joote 16:15

Eka ne obatise kaachiel gi joode. Bang’ mano noluongowa e ode, kowacho ni, “Ka useneno ni ayie adier kuom Ruoth, to biuru e oda.” Eka nomiyo wadhi e ode.

Tich Joote 9:15

To Ruoth nowachone niya, “Dhi adhiya, nikech en ema aseyiere obed jatichna mondo omi ogendini ma ok jo-Yahudi, kaachiel gi ruodhi kod jo-Israel, ong’eya.

Tich Joote 9:22

To Saulo nomedo yudo teko moloyo, kendo weche mane onyisogo ni Yesu e Mesia nodhiero jo-Yahudi modak Damaski nono, omiyo ne ok ginyal dwoke.

1 Jo-Korintho 15:10

To ng’wono mar Nyasaye ema osemiyo abedo kaka achaloni, kendo ng’wono mane omiya ok osebet kayiem nono. Chutho asetiyo matek moloyo joote mamoko duto, to ok gi tekra awuon, to ng’wono mar Nyasaye ema notiyo kuoma.

1 Jo-Korintho 3:5

Un uparo ni Apolo en ng’a? Koso Paulo to ng’a? Donge wan mana jotich Nyasaye mane omiyo uyie kuom Kristo? Ng’ato ka ng’ato kuomwa tiyo tich mane Ruoth omiye mondo oti.

1 Jo-Korintho 7:25

To kuom joma ok okendo gi joma ok okendi to awachoe kama: Aonge gi chik ma Ruoth omiya mondo aketnigi, to anyisou mana parona kaka ng’ama ng’wono mar Ruoth osetimo ng’ama ogen.

2 Jo-Korintho 4:1

Kaka Nyasaye ema osemiyowa tijni kuom ng’wonone, omiyo ok wanyal nyosore.

Jo-Galatia 3:26

nimar kuom yie uduto un nyithind Nyasaye kuom Yesu Kristo.

Jo-Galatia 3:28

Kuom mano onge pogruok e kind jo-Yahudi, kata e kind wasumbini gi joma ni thuolo, kata e kind chwo gi mon, nikech uduto un achiel kuom Kristo.

Jo-Filipi 2:11

kendo ji duto mondo ohul ni Yesu Kristo e Ruoth, mondo Nyasaye Wuoro bende oyud duong’.

Jo-Filipi 4:13

Anyalo chomo gik moko duto tir, kuom teko ma Kristo miya.

Jo-Kolosai 1:25

Nyasaye ema ne omiyo adoko jatich kanyakla mar jo-Kristo, kendo tich maduong’ mane omiya en kelonu Wach Maber, kendo elonu tiende malong’o.

1 Timotheo 1:1

An Paulo, jaote mar Kristo Yesu kuom chik mar Nyasaye ma Jawarwa gi Kristo Yesu ma en geno marwa,

1 Timotheo 1:11

Puonjno owinjore kod Wach Maber mawuoyo kuom duong’ maler mar Nyasaye mipako. Wach maberno ema ne Nyasaye omiya mondo alandi.

1 Timotheo 1:2

andikoni in Timotheo, nyathina maradier kuom yie. Ng’wono gi miwafu kod kue moa kuom Nyasaye Wuonwa gi Kristo Yesu obed kodi.

1 Timotheo 6:13

Amiyi chik e nyim Nyasaye mamiyo gik moko duto ngima, kendo e nyim Kristo Yesu ma bende nohulo malong’o yie ma en-go e nyim Pilato.

2 Timotheo 2:2

Weche duto mane iwinjo ka apuonjo e nyim joneno mang’eny, to in bende nyaka inyis joma igeno, ma bende nyalo puonjo jomoko.

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.

Tito 1:4

Andikoni in Tito, nyathina maradier kuom yie moriwowa kanyakla, ka akwayo mondo ng’wono gi kue moa kuom Nyasaye Wuoro gi Yesu Kristo obed kodi.

Filemon 1:9

to akwayi mana gi muolo nikech hera ma waherorego. An Paulo ng’at moti, bende ma koroni otue nikech Yesu Kristo,