1 Timotheo 1:1 - MUMA MALER 2015

¹ An Paulo, jaote mar Kristo Yesu kuom chik mar Nyasaye ma Jawarwa gi Kristo Yesu ma en geno marwa,

Motingʼo Loko Manyien

¹ An Paulo jaote Kristo Yesu kaluwore gi Chik Nyasaye ma Jawarwa, kod Kristo Yesu, ma en genowa,

1 Timotheo 1:1 ပူးပေါင်းရင်းမြစ်များ

Zaburi 106:21

Wigi ne owil gi Nyasaye mane oresogi gi timbene madongo e Misri.

Isaya 12:2

Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

Isaya 43:11

An kende e Ruoth Nyasaye. Onge jawar moro mak mana an.

Isaya 43:3

nimar an Ruoth Nyasaye ma Nyasachu, ma Ng’ama Ler mar Israel, kendo ma jaresu. Achiwo Misri gi Ethiopia kod Seba mondo awarugo.

Isaya 45:15

Adier, in Nyasaye mapondo, A Nyasach Israel ma Jawarwa!

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Isaya 49:26

Anachun joma thiri, mondo ocham ringregi giwegi, kendo anami gimer gi rembgi, mana ka joma divai makech omero, mi ji duto nong’e ni an Ruoth Nyasaye ema aresou. An Jawaru, ma Ng’ama Nyalo Gik Moko Duto mar Jakobo.”

Isaya 60:16

Iniyud mwandu mag ogendini koda ka mago mag ruodhi. Kamano ining’e ni an, Ruoth Nyasaye e jaresni. Adier, jawarni en Ng’ama Nyalo Gik Moko Duto, ma Nyasach Jakobo.

Isaya 63:8

Ruoth Nyasaye nowacho niya, “Jogi gin joga adier. Gin yawuota ma ok nyal wuonda.”

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Luka 1:47

“Chunya pako Ruoth! Adier, amor nikech Nyasaye Jawarna,

Luka 2:11

Kawuono osenywolnu Jawar e dala Daudi. En Mesia ma Ruoth.

Tich Joote 9:15

To Ruoth nowachone niya, “Dhi adhiya, nikech en ema aseyiere obed jatichna mondo omi ogendini ma ok jo-Yahudi, kaachiel gi ruodhi kod jo-Israel, ong’eya.

Jo-Rumi 1:1

Ma en barua ma an Paulo, jatich Yesu Kristo, ema andikonu un jo-Rumi. Nyasaye noluonga mondo abed jaote, kendo nowala mondo aland Wachne Maber.

1 Jo-Korintho 1:1

An Paulo, mane Nyasaye oyiero kendo oluongo mondo obed jaote Kristo Yesu, ema andiko baruani kaachiel gi owadwa Sosthene.

1 Jo-Korintho 9:17

Ka dabed ni atiyo tijni kuom dwarona awuon, to da ayudo pok. To kaka ok atiye gi dwarona awuon, mano nyiso ni en mana tich ma Nyasaye osemiya mondo ati.

2 Jo-Korintho 1:1

An Paulo, jaote Yesu Kristo kuom dwaro mar Nyasaye, ema andiko baruani kaachiel gi owadwa Timotheo. Wandikonu un kanyakla mar joma oyie kuom Nyasaye man Korintho, kendo ni jo-Nyasaye duto manie piny Akaya.

Jo-Galatia 1:1

An Paulo kaachiel gi owete duto ma wan-go wandikonu un kanyakla mar jo-Kristo man Galatia. An Paulo, andiko kaka jaote ma ok teko mar dhano ema oketo, nikech onge ng’ama ne oketa jaote, to mana Yesu Kristo, gi Nyasaye Wuoro mane ochiere oa kuom joma otho ema ne oketa.

Jo-Galatia 1:11

Owetena, adwaro ni mondo ung’e ni Wach Maber ma alando ok owuok kuom dhano.

Jo-Kolosai 1:27

Nyasaye nochano mondo joge ong’e kaka wach mane osepandino nigi duong’ miwuoro kuom joma ok jo-Yahudi. To wachno en ni Kristo odak e iu, kendo miyo ugeno kuom duong’ mabiro.

2 Jo-Thesalonika 2:16

Ruodhwa Yesu Kristo owuon, gi Nyasaye Wuonwa moseherowa gi hera maduong’, kendo mosejiwowa gi jip mochwere, kendo mosemiyowa geno maber, kuom ng’wonone,

1 Timotheo 1:12

Agoyo erokamano ni Ruodhwa Yesu Kristo kuom miya teko mondo ati tijni, nikech nokwana ka jaadiera, mi oyiera mondo atine.

1 Timotheo 2:3

Lemo ma kamago en gima ber kendo malong’o ni Nyasaye Jawarwa,

1 Timotheo 2:7

Mano emomiyo noketa jaote, mondo aland wachno, kapuonjo joma ok jo-Yahudi wach mar yie maradier. Ok ariambi, to awacho adiera!

1 Timotheo 4:10

Mano ema omiyo watiyo matek kendo wakedo, nikech wan gi geno kuom Nyasaye mangima, ma Jawar mar ji duto, to moloyo Jawar mar joma oyie.

Tito 1:3

Nyasaye ma jawarwa ema nohulo wachne malong’o e ndalo mane en owuon oketo, kendo nogolo chik ni an ema onego miya tich mar lando wachneno.

Tito 2:10

Kik gikwel, to ginyis malong’o ni gin joma inyalo geno adier e weche duto, mondo gimi ji one kaka puonj mar Nyasaye Jawarwa ber e gik moko duto ma gitimo.

Tito 2:13

kendo warito gueth ma wageno yudo, ma en fwenyruok mar duong’ maler mar Kristo Yesu, Nyasachwa maduong’ kendo Jawar.

Tito 3:4

Kane ng’wono mar Nyasaye Jawarwa kod hera ma oherogo dhano ofwenyore,

Tito 3:6

Kuom Yesu Kristo Ruodhwa, Nyasaye noolo Roho mogundho kuomwa,

1 Petro 1:21

nimar en ema omiyo uyie kuom Nyasaye mane ochiere oa kuom joma otho, kendo omiye duong’. Adier, en ema omiyo ubedo gi yie kod geno kuom Nyasaye.

1 Petro 1:3

Duong’ obed ni Nyasaye Wuon Ruodhwa Yesu Kristo. Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima.

2 Petro 1:1

An Simon Petro, ma misumba Yesu Kristo kendo jaotene, ema andikonu baruani, un joma osenwang’o yie ma nengone tek marom gi yiewa, nimar Nyasachwa kendo Jawarwa Yesu Kristo ema ne omiyowago kuom adierane.

1 Johana 4:14

Waseneno ni Wuoro nooro Wuode mondo obed Jawar mar piny, kendo wanyiso ji wachno.

Juda 1:25

En e Nyasaye ma Jawarwa kuom Yesu Kristo Ruodhwa, man gi duong’ gi teko kod loch, nyaka nene, kendo kawuono, kendo nyaka chieng’. Amin.