1 Samuel 9:9 - MUMA MALER 2015

⁹ (E ndalo ma chon e Israel kane ng’ato dhi penjo wach kuom Nyasaye, to nowacho ni, “Wadhiuru ir janen” nikech ng’at ma ndalogi luongo ni janabi, ne iluongo chon ni, janen.)

Motingʼo Loko Manyien

⁹ Chon e piny Israel kane ngʼato dhi penjo Nyasaye wach ne owacho niya, “Bi wadhi ka Janen,” nikech ngʼat miluongo ni janabi ndaloni ne iluongo ni janen.

1 Samuel 9:9 ပူးပေါင်းရင်းမြစ်များ

Chakruok 25:22

Kane Rebeka owinjo ka nyithindo tugo e iye, nowacho niya, “Gima timorenani, tiende ang’o?” Omiyo nodhi penjo Nyasaye tiend wachno.

2 Samuel 24:11

Eka kane Daudi ochiew gokinyi, noyudo ka Ruoth Nyasaye osenyiso Gad janabi, mane jakor wach ni Daudi, kowachone niya,

2 Ruodhi 17:13

Ruoth Nyasaye ne siemo jo-Israel kod jo-Juda, kooronigi jonabi gi jokor wach duto, kowachonigi niya, “Weuru yoreu maricho, mondo umak chikena gi buchena ma jonabina mane aoro onyiso kwereu.”

1 Weche mag Ndalo 21:9

Mi Ruoth Nyasaye nowacho ni Gad jakor wach mar Daudi niya,

1 Weche mag Ndalo 26:28

Bende gik mane Samuel janen, gi Saulo wuod Kish, gi Abner wuod Ner, kod Joab wuod Zeruya ochiwo ni Ruoth Nyasaye ne nie lwet Shelemoth kod owetene nikech gin ema ne girito gik moko duto mochiw ni Ruoth Nyasaye.

1 Weche mag Ndalo 29:29

Gik moko duto mane otimore e ndalo loch Daudi ondiki e Kitap Samuel janen, gi Kitap Nathan janabi, kod Kitap Gad ma bende janen.

1 Weche mag Ndalo 9:22

Joma noyier mondo obed jorit rangeye ne gin ji mia ariyo gi apar gariyo, mochan koluwore gi miechgi. Daudi gi Samuel ma janen ema noketogi e tich, nikech ne gin joma kare.

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

2 Weche mag Ndalo 16:7

E ndalogo, Hanani janen nobiro ir Asa ruodh Juda mowachone niya, “Jolweny mag ruodh Aram biro tony e lweti, nikech nigeno kuom jo-Aram, to ne ok igeno kuom Ruoth Nyasaye ma Nyasachi.

Isaya 29:10

Nimar Ruoth Nyasaye osemiyo ubedo gi chuny mar nindo matut. Ee, osedino wengeu, (tiende ni jonabiu), kendo oseumo wiyeu, (tiende ni jou ma koronu wach.)

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Amos 7:12

Amos owuon, to ne Amazia okwero niya, “Dhi kucha, jakorni! Dhiyo e piny Juda mondo ikor wach kuno iyudgo chiembi.

1 Jo-Korintho 12:17

Ka da ringruok duto bed mana wang’, to ere kaka dowinj wach? Kata da bed mana it kende, ere kaka dong’ue gik moko?

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Jong’ad Bura 18:5

Ne gikwaye niya, “Penjnwa Nyasaye wach ka wuodhwani biro bedo maber.”

1 Samuel 9:10

Saulo nowachone niya, “Iwacho maber, wuoth wadhi.” Eka ne gidhi e dala mane ng’at Nyasaye nitie.