1 Samuel 9:7 - MUMA MALER 2015

⁷ Saulo nopenje niya, “Ka wadhi to ere gima dang’ water ni ng’at Nyasayeno, nimar chiemo mane wating’o koro oserumo, kendo waonge gi mich ma wanyalo terone? Koso wan gang’o?”

Motingʼo Loko Manyien

⁷ Saulo nowachone jatich niya, “To ka wadhi, en angʼo ma wabiro miyo ngʼatni? Chiemo mane ni e mifukewa oserumo. Waonge kod mich ma wanyalo tero ne ngʼat Nyasaye. En angʼo ma wan-go?”

1 Samuel 9:7 ပူးပေါင်းရင်းမြစ်များ

1 Ruodhi 13:7

Ruoth nowacho ni ng’at Nyasaye niya, “Wadog oda mondo iyue, eka abiro miyi gimoro.”

1 Ruodhi 14:3

Kaw makati apar, gi kek moko kod puga mar mor kich, iterne; enonyisi gima biro timore kuom nyathi.”

2 Ruodhi 4:42

Ng’at moro noa Baal-shalisha, mokelo ni ng’at Nyasaye cham manyien e gunia. Ne gin makati piero ariyo mag shairi, kod cham mawidhi. Elisha nowacho ni mondo omigi ji ochamgi.

2 Ruodhi 5:15

Naaman gi joge duto nodok ir ng’at Nyasaye, mochung’ e nyime, kowachone niya, “Koro ang’eyo ni onge Nyasaye kamoro amora mak mana e Israel; omiyo akwayi ni yie ikawie mich moro matin.”

2 Ruodhi 5:5

Ruodh Aram nowachone niya, “Kara dhiyo, abiro ori ir ruodh Israel gi barua.” Naaman nodhi gi fedha moromo kilo mia adek, gi dhahabu moromo kilo apar, kod lewni mabeyo apar.

2 Ruodhi 8:8

Nowacho ni Hazael niya, “Kaw mich, idhi irom godo ni ng’at Nyasaye, kendo ikwaye mondo openj Ruoth Nyasaye ka abiro kwo.”

2 Ruodhi 8:9

Kamano Hazael nodhi romo ni Elisha, kotero ne mich mang’eny mogolo Damaski, moromo ngamia piero ang’wen ting’o. Kane oromo kode, nochung’ e nyime, mowachone niya, “Ben-hadad ruodh Aram ma nyathini oora ni mondo apenji kobiro kwo.”

Ezekiel 13:19

Useketho nyinga kuom joga mana ni mondo uyud cham moko sanja, kod makati matin. Unego joma ok owinjore negi. Mano e kaka uwuondo joga moyie gi wecheu mag miriambogo.

Jong’ad Bura 6:18

Yie kik ia ka nyaka akelni chiwo moro mondo aket e nyimi.” Nodwoke ni, “Abiro riti nyaka iduogi.”