1 Samuel 9:21 - MUMA MALER 2015

²¹ Saulo nodwoke niya, “To an mana ja-Benjamin, ma libamba matinie moloyo libembni duto mag Israel, kendo dhoodwa en dhoot matinie moloyo dhoudi duto mag Benjamin. Koro, ere gimomiyo iwachona weche ma kamago?”

Motingʼo Loko Manyien

²¹ Saulo nodwoko niya, “Donge an ja-Benjamin, oganda matin ahinya ei Israel, to donge dhoodwa bende e dhoot matin, moloyo ei oganda mar Benjamin? Angʼo momiyo iwacho wechegi kuoma?”

1 Samuel 9:21 ပူးပေါင်းရင်းမြစ်များ

Zaburi 68:27

Dhood Benjamin, ma en dhoot matinie moloyo, ema okwongo biro. Bang’e jotend Juda biro gi ogandagi, kendo jotend Zebulun gi jotend Naftali luwogi.

Zaburi 68:28

A Nyasaye, nyis tekoni ma isekonyowago

Hosea 13:1

Chon kane jo-Efraim wuoyo, to ji mamoko tetni. Dhoodgi ne duong’ moloyo dhout Israel mamoko. To ji noketho kuom lamo Baal, kendo gibiro tho nikech wachno.

Luka 14:11

nikech ng’at mating’ore malo nodwok piny, to ng’at madwokore piny noting’ malo.”

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.

1 Samuel 14:51

Kish wuon Saulo, kod Ner wuon Abner, ne yawuot Abiel.

1 Samuel 15:17

Samuel nowachone niya, “kata obedo ni in iwuon ineno ni itin, to oseketi jatend dhout Israel. Ruoth Nyasaye ne oyieri mondo ibed ruodh Israel.

1 Samuel 18:18

Daudi nodwoko Saulo niya, “An ng’a, koso anywolana en ang’o, kata joodwa gin ng’a gini e Israel, ma dahedhra bedo or ruoth?”

1 Samuel 18:23

To kane jotich Saulo onyiso Daudi, nodwokogi niya, “Uparo ni bedo or ruoth en gima yot koso, ma ng’at ang’ata ma jachan ka an kama, nyalo mana bet?”

1 Samuel 9:22

Samuel notero Saulo gi jotichne e od chiemo, moketogi kama oyiedhi e kind joma noluongi, ma dirom piero adek.