1 Samuel 9:17 - MUMA MALER 2015

¹⁷ Mano emomiyo kane Samuel oneno Saulo, Ruoth Nyasaye nonyise niya, “Ma e jal ma nyoro awachoni. En ema norit joga.”

Motingʼo Loko Manyien

¹⁷ Kane Samuel ogoyo wangʼe kuom Saulo, Jehova Nyasaye ne owachone niya, “Ma e ngʼat mane awuoyoni kuome nibiro rito ogandana.”

1 Samuel 9:17 ပူးပေါင်းရင်းမြစ်များ

Nehemia 13:19

Omiyo ka nigolo ji e dhorangeye mag Jerusalem sa mane Sabato dwaro chakore, nagolo chik mondo dhorangeye olor, kendo kik yawgi nyaka chieng’ Sabato rum. Bende naketo jotichna moko mondo orit dhorangeye ni kik misigo moro amora donj e dala Jerusalem chieng’ Sabato.

Nehemia 13:25

Nadhaw kodgi, mi ayanyogi, to jomoko kuomgi nagoyo, mi apudho yie wigi. Kendo namiyo gikuong’ore e nyim Nyasaye ni ok giniyie jogo okend nyigi, kendo ni ok ginikend nyi jogo, kata kendogi ni yawuotgi.

Jeremia 32:8

Kane Ruoth Nyasaye osenyisa kamano, Hanamel ma wuod owadgi wuora nobiro ira e laru mar jorit, mowachona niya, “Ng’iew puotha man Anathoth e piny Benjamin, nikech in watna mahie, omiyo in ema in gi ratiro mar ng’iewe obed mari.” To koro nang’eyo ni Ruoth Nyasaye ema dwaro mondo ang’iew puodhono.

Hosea 13:11

Ne aketonu ruodhi ka an gi mirima, kendo asegologi ka akecho ahinya.

Tich Joote 13:21

To kane gikwayo mondo gibed gi ruoth, Nyasaye nomiyogi Saulo wuod Kish ma jadhood Benjamin mondo obed ruodhgi, mi noritogi kuom higni piero ang’wen.

1 Samuel 3:13

Nyaka iwachne ni abiro ng’ado ni dhoode bura mosiko, nikech nong’eyo ni yawuote yanyo Nyasaye, to ne ok okwerogi.

1 Samuel 9:18

Bang’e Saulo nosudo machiegni gi Samuel e dhorangach, mowachone ni, “Kiyie to nyisa kama janen odakie.”