1 Samuel 9:16 - MUMA MALER 2015

¹⁶ “Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”

Motingʼo Loko Manyien

¹⁶ “Kiny kar sa ma kama abiro oro ngʼato moa e piny Benjamin. Wire mondo otel ne joga ma jo-Israel, enores joga e lwet jo-Filistia. Asekecho joga nimar ywakgi osechopona.”

1 Samuel 9:16 ပူးပေါင်းရင်းမြစ်များ

2 Samuel 3:18

Koro keteuru, nikech Ruoth Nyasaye osesingore kuome, ka wacho niya, ‘Gi lwet Daudi anares joga Israel e lwet jo-Filistia, kendo e lwet wasikgi duto.’ ”

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

Zaburi 102:1

A Ruoth Nyasaye, chik iti ni lemona, kendo winj ywakna mondo ikonya.

Zaburi 106:44

Kata kamano, kane giywak, to nowinjogi, mi oneno chandruok ma gin go.

Zaburi 25:18

Par thagruok kod lit ma an go, kendo iwenae richona duto.

Ngeche 16:9

Dhano loso chenone owuon, to Ruoth Nyasaye ema telone eka otimgi.

Jeremia 32:8

Kane Ruoth Nyasaye osenyisa kamano, Hanamel ma wuod owadgi wuora nobiro ira e laru mar jorit, mowachona niya, “Ng’iew puotha man Anathoth e piny Benjamin, nikech in watna mahie, omiyo in ema in gi ratiro mar ng’iewe obed mari.” To koro nang’eyo ni Ruoth Nyasaye ema dwaro mondo ang’iew puodhono.

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 14:20

Eka Saulo gi joge duto nowuok mogiyo kadhi e lweny, kuma ne giyudoe ka jo-Filistia negore kendgi giwegi, achadha nono.

1 Samuel 14:23

Kamano Ruoth Nyasaye noreso jo-Israel chieng’no, kendo ne gikadho dala mar Bethaven, mana kapod gikedo.

1 Samuel 15:1

Samuel nowacho ni Saulo niya, “Ruoth Nyasaye ne oora ni mondo awiri mo, ibed ruodh joge Israel. Emomiyo koro winj wachne.

1 Samuel 16:1

Ruoth Nyasaye nowacho ni Samuel niya, “Ibiro kuyo nyaka karang’o, to asedagi ni kik Saulo obed ruoth? Koro ol mo e tung’ni mondo aori ir Jesse ja-Bethlehem, nikech aseyiero wuode moro mondo obed ruoth.”

1 Samuel 16:3

To iluong Jesse obi e misango, eka nanyisi gima onego itim. Nyaka iwirna jal ma abiro nyisi.”