1 Samuel 9:13 - MUMA MALER 2015

¹³ Ka usedonjo e dala to ubiro yude, kapok oidho odhi e hembko. Ji ok nyal chiemo kapok obiro, nimar en ema oguedho gir misango, eka bang’e joma oluong chiemo. Ero, idhuru, ubiro yude piyo.”

Motingʼo Loko Manyien

¹³ E sa ma usedonjo e dala to ubiro yudo kapok oidho odhi malo kama owal mondo ochiem. Ji ok bi chako chiemo nyaka ochopi, nikech nyaka ogwedh gir timo misango eka bangʼe jomo oluongi nyalo chiemo. Returu mapiyo sani ema unyalo yude.

1 Samuel 9:13 ပူးပေါင်းရင်းမြစ်များ

2 Samuel 15:11

Absalom noluongo jo-Israel mia ariyo mondo odhi kode Hebron, mi jogo nodhi ka chunygi ler, kendo ka kiya gima Absalom ochano.

Mathayo 14:19

Bang’ mano, nonyiso ji mondo obed piny e lum. Eka nokawo makati abich gi rech ariyogo, mong’iyo malo, kendo ogwedhogi. Ne ong’ingo makatigo, momiyo jopuonjrene, eka jopuonjrene nomiyo ji,

Mathayo 26:26

Kane gichiemo kamano, Yesu nokawo makati, moguedho, eka nong’ingo, momiyo jopuonjrene, kowacho niya, “Kawuru, ucham. Ma e ringra.”

Mariko 6:41

Yesu nokawo makati abich gi rech ariyogo, mong’iyo malo, kendo oguedhogi. Eka nong’ingo makati go, momiyo jopuonjrene mondo opog ni ji. Rech ariyogo bende ne opogonigi duto,

Luka 24:30

Kane oyudo obet piny kodgi mondo gichiem, nokawo makati, moguedho, kendo ong’ingo, momiyogi.

Luka 9:16

Yesu nokawo makati abich kod rech ariyogo, eka nong’iyo malo, moguedhogi. Nong’ingogi, momiyo jopuonjrene mondo opogni ji,

Johana 6:11

Bang’ mano, Yesu nokawo makati, mi ogoyo ni Nyasaye erokamano. Eka nopogogi ni ji ka obet piny kamano. Rech bende nopogo, kendo ng’ato ka ng’ato nochiemo kaka odwaro.

Johana 6:23

To yiedhi moko moa Tiberia nobiro, mogowo machiegni gi kama ne ji ochamoe makati mane Yesu oguedho.

1 Jo-Korintho 10:30

Ka agoyo erokamano kuom chiemo ma achamo, to marang’o ng’ato neno ni atimo marach kuom chamo chiemono?”

1 Timotheo 4:4

To gik moko duto mane Nyasaye ochueyo beyo, kendo onge monego ji kuer, to onego chamgi kigoyo ni Nyasaye erokamano,

1 Samuel 2:35

Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.

1 Samuel 9:14

Omiyo ne giidho gidhi e dalano. To kane gidonjo e dala, ne gineno Samuel kowuok biro romo kodgi, kodhi e hembko.