1 Samuel 8:9 - MUMA MALER 2015

⁹ Emomiyo koro, winj gima giwachoni. To kata kamano, siemgi matek, kendo nyisgi kaka ruoth biro ritogi.”

Motingʼo Loko Manyien

⁹ Koro winj gima giwacho; makmana isiemgi matek, kendo mondo inyisgi mondo gingʼe gik ma ruoth mabiro ritogi biro timo.”

1 Samuel 8:9 ပူးပေါင်းရင်းမြစ်များ

Jeremia 11:7

Chakre kinde mane agoloe kweregi e piny Misri nyaka chil kawuono, asebedo kasiemogi matek mondo girit wechena.

Ezekiel 3:18

Ka awachoni ni ng’at ma timbene mono biro tho, mi ok isieme mondo owe yorene marichogo, obed mangima, to enotho ka pod en jaricho, kendo in ema anakwani ka ng’ama onege.

Ezekiel 46:18

To ruoth marito piny moro kik thir joge kamayogi mwandu moro amora, to nyaka opog ni yawuote lowo kuom lowo mopogne, mondo kik othir joga komayogi lopgi.”

1 Samuel 10:25

Eka Samuel nonyiso ji kaka tich ruoth chalo,, kendo nondiko wachno e kitabu, mi okano e nyim Ruoth Nyasaye. Bang’e nomiyo ji thuolo mondo ng’ato ka ng’ato odog dalane.

1 Samuel 12:1

Samuel nowacho ni jo-Israel duto niya, “Uneno kaka asewinjo gik moko duto mane ukwaya, mi aseketonu ruoth.

1 Samuel 14:52

Ne nitie lweny mager e kind jo-Israel gi jo-Filistia kuom ndalo duto mag ngima Saulo. Omiyo kane oneno ng’at moro maratego, kata mathwon, to nokete achiel kuom jolwenje.

1 Samuel 2:13

E ndalogo gima jodolo ne timo ni jolemo ne chalo kama: kane ng’at moro timo misango, jatich jadolo ne biro gi uma ma lekene adek ka pod itedo ring’o.

1 Samuel 8:8

Gima koro gitimoni, en gima gisebedo ka gitimona, chakre ndalo mane agologie Misri nyaka chil kawuono, ka giweya, kendo gitiyo ni nyiseche mamoko.