1 Samuel 8:7 - MUMA MALER 2015

⁷ to Ruoth Nyasaye nowachone niya, “Winj gima ji wachoni. Ok in ema gidagi, to an ema gisedaga, ni kik abed ruodhgi.

Motingʼo Loko Manyien

⁷ To Jehova Nyasaye ne owachone niya, “Chik iti ne weche duto ma ji wachoni; nikech ok in ema gikwedi, to An ema gisekweda kaka ruodhgi.

1 Samuel 8:7 ပူးပေါင်းရင်းမြစ်များ

Wuok 16:8

Eka Musa nomedo wacho niya, “Ruoth Nyasaye ema biro miyou kuon mang’eny mondo ucham gokinyi, nimar osewinjo kaka uywakne. Wan ok uywagnwa, to Ruoth Nyasaye ema uywakne, nikech wan ok wan gimoro.”

Isaya 66:4

e kaka an bende abiro yieronigi masiche mondo omakgi, ka akelo kuomgi gik ma giluoro, nimar ne alwongo, to onge ng’ama dwoka, kendo ne awuoyo, to onge ng’ama winja. To ne gitimo timbe mamono ma ok ayiego, eka giyiero mana gik ma adagi.”

Jeremia 34:14

‘Higni abiriyo ka higni abiriyo onego ng’ato ka ng’ato kuomu owe ja-Hibrania moro amora mane ong’iewo ka misumba, kendo mosetiyone kuom higni auchiel.’ To kwereu ne ok nyal winja, kata rito chikna ne ok girito.

Ezekiel 2:3

“In wuod dhano, aori ir jo-Israel ma oseng’anyo mopiem koda. Kaka kweregi nopiem koda, e kaka gin bende koro gipiem koda.

Ezekiel 3:7

To jo-Israel ok bi chiko itgi mondo owinj gima iwacho, nikech an bende ne gitamore winjo wachna. Giduto gin jopiem, kendo wigi tek.

Kwan 22:20

Nyasaye nofwenyore ni Balaam gotieno, mowachone niya, “Ka jogo osebiro luongi, to dhi kodgi. To nyaka itim mana gima abiro wachoni.”

Mathayo 10:40

“Ng’at morwakou, to orwako mana an, kendo ng’at morwaka to orwako mana Jal mane oora.

Luka 10:16

Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”

Luka 19:14

To jothurgi ng’atno ne osin kode, omiyo ne gioro joote kuma ne odhiyeno gi wach ni, ‘Ok wadwar mondo jalo obed ruodhwa.’

Luka 19:27

To wasika mane ok dwar ni mondo abed ruodhgi to keluru ka mondo uneg mana ka aneno.’ ”

Johana 13:16

Adier, adier, awachonu ni misumba ok duong’ moloyo ruodhe, kendo ng’at moor ok duong’ moloyo jal moore.

Jong’ad Bura 8:23

To Gideon nodwokogi niya, “Ok nabed ruodhu, kata mana wuoda bende ok nobedi, to Ruoth Nyasaye ema nobed ruodhu.”

1 Samuel 10:19

To un koro usedagi Nyasachu, ma noresou e masicheu, kod chandruoku duto, kendo usekwaye mondo oketnu ruoth. Emomiyo koro chung’uru e nyim Ruoth Nyasaye, kuchanoru e libembni mau, kendo e dhoutu.”

1 Samuel 12:1

Samuel nowacho ni jo-Israel duto niya, “Uneno kaka asewinjo gik moko duto mane ukwaya, mi aseketonu ruoth.

1 Samuel 12:12

“Ne ung’eyo ni Ruoth Nyasaye e ruodhu, to kata kamano, kane uneno ni Nahash ruodh jo-Amon omonjou, nuwachona niya, ‘Nyaka wabed gi ruoth maritowa.’

1 Samuel 8:22

mi Ruoth Nyasaye nodwoke niya, “Winj gima giwachoni, mondo iketnigi ruoth.” Eka Samuel nowacho ni jo-Israel ni mondo ng’ato ka ng’ato odog dalane.

1 Samuel 8:8

Gima koro gitimoni, en gima gisebedo ka gitimona, chakre ndalo mane agologie Misri nyaka chil kawuono, ka giweya, kendo gitiyo ni nyiseche mamoko.