1 Samuel 8:20 - MUMA MALER 2015

²⁰ mondo wan bende wachalre gi ogendini duto, ka ruodhwa ritowa, kendo telonwa ka wakedo.”

Motingʼo Loko Manyien

²⁰ Mondo wan bende wabed machal gi ogendini mamoko, ka wan gi ruoth matelo nyimwa ka wadhi e lweny.”

1 Samuel 8:20 ပူးပေါင်းရင်းမြစ်များ

Zaburi 106:35

to kar timo kamano, ne gikendore akenda kodgi, mi giluwo timbegi.

Wuok 33:16

nikech ka ok idhi kodwa, to ere kaka ji nyalo ng’eyo ni imor kodwa? To ka idhi kodwa, jogi kaachiel gi an nobed joma opogore gi dhoudi duto manie piny.”

Kwan 23:9

Anenogi kachung’ ewi lwendni maboyo, kendo arangogi gi ewi gode. Aneno oganda modak kar kende, ma ok oseriwore gi ogendni mamoko.

Johana 15:19

Ka da bed ni un mag pinyni, to da piny ohero gire owuon. To piny mon kodu nikech aseyierou kuom piny, omiyo koro ok un mag piny.

Jo-Rumi 12:12

Geno ma un-go mondo omi ubed mamor. Kisandou, to timuru sinani, kendo lemuru mak uweyo.

2 Jo-Korintho 6:17

Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku.

Rapar mar Chik 7:6

nimar un joma owal ni Ruoth Nyasaye ma Nyasachu. Ruoth Nyasaye ma Nyasachu noyierou e kind ji duto mae piny mondo ubed ogandane moyiero.

Jo-Filipi 3:20

Wan to polo e thurwa, kendo warito Ruoth Yesu Kristo mondo oa e polo obi oreswa.

1 Petro 2:9

To un e dhoot moyier, kendo kanyakla mar jodolo mag Ruoth, kod oganda maler ma Nyasaye okawo ka joge, mondo oland timbe madongo mag Jal mane oluongou ua e mudho, mi okelou e lerne miwuoro!

1 Samuel 12:12

“Ne ung’eyo ni Ruoth Nyasaye e ruodhu, to kata kamano, kane uneno ni Nahash ruodh jo-Amon omonjou, nuwachona niya, ‘Nyaka wabed gi ruoth maritowa.’

1 Samuel 12:2

Koro Ruoth e jatendu. An to aseti, mi lwar omaka, kendo yawuota bende ni kodu. To asebet jatendu, chakre tinna nyaka kawuono.

1 Samuel 8:5

Ne giwachone niya, “Iseti, to yawuoti ok luw timbeni. Koro ketnwa ruoth mondo oritwa, mana machalre gi ogendini duto.”