1 Samuel 8:11 - MUMA MALER 2015

¹¹ Nowachonigi niya, “Timbe ruoth ma biro ritou nochal kama: Enokaw yawuotu, mi noketgi e tich gechene. Ginibed joidh faresene, kendo giniring e nyim gechene.

Motingʼo Loko Manyien

¹¹ Nowacho niya, “Ma e gima ruoth mabiro ritou notim: Nokaw yawuotu mi noketgi mondo giti e gechene gi faresene, kendo giniringi e nyim gechene.

1 Samuel 8:11 ပူးပေါင်းရင်းမြစ်များ

2 Samuel 15:1

Bang’ mano, Absalom nong’iewo gari gi farese, kendo ne en gi ji piero abich mane telo nyime.

1 Ruodhi 1:5

Adonija wuod Hagith nochako kawore, kaparo ni nobed ruoth. Nong’iewo geche lweny, gi joidh farese kod gi ji piero abich mane telo nyime.

1 Ruodhi 10:26

Solomon nochako ng’iewo geche mag lweny kod farese. Ne en gi geche alufu achiel gi mia ang’wen, kod farese alufu apar gariyo, ma moko noketo e miech geche, to moko ne en go Jerusalem.

1 Ruodhi 12:10

Ne gidwoke niya, “Dwok joma okwayi mondo ing’adnigi ting’ mapek mane wuoru omiyogi, kiwachonigi kama: ‘Lith lweta matung’ duong’ moloyo nungo wuora.

1 Ruodhi 12:4

“Wuoru miyowa ting’ mapek, emomiyo in koro ng’ad ting’ mapek mane oketo kuomwa, eka wanatini.”

1 Ruodhi 14:27

mi ruoth Rehoboam noloso kuodi mag mula kar mago, momiyo jotend jorit ranga dalane.

1 Ruodhi 18:46

Teko mar Ruoth Nyasaye nolor kuom Elija, mi Elija nong’wano lepe, moringo nyim Ahab kateloe nyaka ranga Jezreel.

1 Samuel 10:25

Eka Samuel nonyiso ji kaka tich ruoth chalo,, kendo nondiko wachno e kitabu, mi okano e nyim Ruoth Nyasaye. Bang’e nomiyo ji thuolo mondo ng’ato ka ng’ato odog dalane.

1 Samuel 14:52

Ne nitie lweny mager e kind jo-Israel gi jo-Filistia kuom ndalo duto mag ngima Saulo. Omiyo kane oneno ng’at moro maratego, kata mathwon, to nokete achiel kuom jolwenje.

1 Samuel 22:7

Nowacho ni jogo niya, “Winjuru un jo-Benjamin, uparo ni wuod Jesse biro miyo ng’ato ka ng’ato puothe mag cham gi mag mzabibu koso? Koso uparo ni obiro ketou jotend ogend lweny madongo gi matindo?

1 Samuel 8:9

Emomiyo koro, winj gima giwachoni. To kata kamano, siemgi matek, kendo nyisgi kaka ruoth biro ritogi.”