1 Samuel 7:10 - MUMA MALER 2015

¹⁰ Kane pod Samuel timo misango, jo-Filistia nokayo ni jo-Israel mondo oked kodgi, to Ruoth Nyasaye nomiyo polo omor matek kuom jo-Filistia, mokeyogi mi jo-Israel noloyogi.

Motingʼo Loko Manyien

¹⁰ Kane Samuel pod chiwo misango miwangʼo pep, jo-Filistia noyworo machiegni mondo oked gi jo-Israel. To chiengʼno Jehova Nyasaye nomiyo polo omor matek kuom jo-Filistia manomiyogi luoro ma gikee ka gikia kuma gidhiye, kendo negiringo e nyim jo-Israel.

1 Samuel 7:10 ပူးပေါင်းရင်းမြစ်များ

Zaburi 18:15

Kane Ruoth Nyasaye okudho ka yamb nyakoyi, kendo okwero wasike, to mise mag piny noelore, kendo kude mag nam nofwenyore.

Zaburi 29:3

Dwond Ruoth Nyasaye wuo e nembe. Adier, Nyasaye man gi duong’ twaro, kendo dwonde winjore e nam.

Zaburi 29:4

Ji winjo dwond Ruoth Nyasaye ka wuo gi tekone kod duong’ne!

Zaburi 78:66

Ne oloyo wasike mi omiyogi wichkuot mosiko.

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Rapar mar Chik 28:7

“Ruoth Nyasaye noket wasiku momonjou e luetu, kendo unulogi muriembgi. Ginirad kodu ka gin oganda achiel, to giniringu ka gike e sidienje abiriyo.

Joshua 10:10

kendo Ruoth Nyasaye notaro wang’gi mokeyogi e nyim jo-Israel, mi nologi chuth. Jo-Israel nolawogi e yo maridore Beth-horon, mi ne ginegogi nyaka Azeka gi Makeda.

Jong’ad Bura 4:15

Ruoth Nyasaye nodhuolo Sisera gi gechene kod jolwenje e nyim Barak, mi Sisera nolor e gache moringo gi tiende.

Jong’ad Bura 5:20

Sulue manie polo bende nokedo gi Sisera.

Jong’ad Bura 5:8

Ne giyiero nyiseche manyien. Ne gilamo mana jochiende. Kuot kata tong’ ne ok nyal yudi kuom jo-Israel alufu piero ang’wen.

1 Samuel 12:17

Donge en ndalo kwayo Ruoth Nyasaye mondo omi polo omor, kendo koth ochue, mi ubiro neno kendo ng’eyo kaka nuketho ahinya kuom kwayo mondo ubed gi ruoth maritou.”

1 Samuel 14:15

Mi luoro maduong’ nolandore kuom jo-Filistia duto, mane nie paw lweny, kendo mane nie kambi. Jolweny ma jorit, kaachiel gi oganda mony bende nokirni, kendo piny noyiengni, mi kihondko malich nobetie.

1 Samuel 2:10

Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”

1 Samuel 7:11

Jo-Israel nowuok Mizpa, molawo jo-Filistia, ka ginegogi nyaka gikadho Beth-kar.