1 Samuel 6:3 - MUMA MALER 2015

³ Ne giwacho niya, “Kudwoko Sanduk mar Nyasach Israel, to kik udwoke nono, to chiwneuru mich mar pwodho richo, eka unukwo, kendo unung’e gimomiyo ok onyal weyo sandou.”

Motingʼo Loko Manyien

³ Negidwoko niya, “Ka udwoko Sandug Muma mar Nyasach jo-Israel, to kik udwoke nono, nyaka une ni udwoke gi misango mar pwodhruok e ketho, eka nochangu, bende ubiro ngʼeyo gima omiyo lwete ok oseweyo sandou.”

1 Samuel 6:3 ပူးပေါင်းရင်းမြစ်များ

Ayub 10:2

A Nyasaye, kik ikwana ka jaketho, to nyisa gima aseketho.

Wuok 23:15

Unurit Sap Makati ma ok ketie Thowi kaka nachikou, kuchamo makati ma ok ketie thowi kuom ndalo abiriyo e kinde moketie e due mar Abib, ni mar dueno ema ne uae Misri. Kik ng’ato bi e nyima gi lwete nono.

Wuok 34:20

To ngima kanyna makayo unyalo waro gi nyarombo, to ka ok udwar ware, to nyaka tur ng’ute. Ng’ato ka ng’ato nyaka war ngima wuode makayo, kendo onge ng’at ma nobi ira gi lwete nono.

Wuok 8:15

To kane Farao oneno ni oyudo yueyo, wiye nochako obet matek, kendo nodagi wach Musa gi Harun, mana kaka Ruoth Nyasaye nosenyiso.

Tim jo-Lawi 5:6

to nyaka okel ni Ruoth Nyasaye chiayo madhako, ma rombo kata diel, kuom ketho mosetimono mondo otimgo misango mar golo richo. Eka jadolo nopwodhnego kethoneno, mi nowene.

Tim jo-Lawi 6:6

Bende enokel ni Ruoth Nyasaye im maonge songa ma nengone opim ni oromo timogo misango mipwodhogo ketho mar gowi.

Rapar mar Chik 16:16

“Jou machwo duto nyaka bi e nyim Ruoth Nyasaye didek e higa ka higa, mondo otim sewni adekgo kama Ruoth Nyasaye biro yiero. Gin Sap Makati ma ok ketie Thowi, gi Sap Jumbe, kod Sap Kiche. Onge ng’at ma nobi e nyim Nyasaye gi lwete nono.

1 Samuel 5:11

Emomiyo ne giluongo ruodhi duto mag jo-Filistia, mi giwachonigi niya, “Dwokuru Sanduk mar Nyasach Israel kare, mondo kik onegwa waduto.” Ji mang’eny notho e dalano, nikech Nyasaye nosandogi malit.

1 Samuel 5:7

Kane jo-Ashdod oneno gima timore, ne giwacho niya, “Sanduk mar Nyasach jo-Israel kik bed e dierwa, nimar osandowa malit, kendo osando Dagon nyasachwa bende.”

1 Samuel 5:9

Kane gisetere, eka Nyasaye nochako sando jo-Gath ahinya. Nogoyo jodalano, matindo gi madongo gi tuo mar buche mokwodogi.

1 Samuel 6:8

Eka ukaw Sanduk mar Ruoth Nyasaye, uket e gari, to gik molos gi dhahabu muchiwo ni Ruoth Nyasaye ka mich mar pwodho richo, uket e sanduk moro but Sandugno. Eka uweye odhi adhiya,

1 Samuel 6:9

kung’iye. Kapo ni ochiko yo madhi thurgi nyaka Beth-shemesh, to wanang’e ni kara Ruoth Nyasaye ema osekelonwa masirani. To ka ok oluwo yorno, eka wanang’e ni ok en ema osandowa, to en gimoro mobironwa abira.”