1 Samuel 6:17 - MUMA MALER 2015

¹⁷ Buche molos gi dhahabu mane jo-Filistia ochiwo ni Ruoth Nyasaye ka mich mar pwodho richo ne mag Ashdod gi Gaza gi Ashkelon gi Gath kod Ekron, ka bur ka bur ochung’ ni dala ka dala.

Motingʼo Loko Manyien

¹⁷ Magi e dhahabu molos ka buche mane jo-Filistia oorone Jehova Nyasaye ka misango mipwodhruokgo e ketho ka moro ka moro ochungʼ kar Ashdod, Gaza, Ashkelon, Gath kod Ekron.

1 Samuel 6:17 ပူးပေါင်းရင်းမြစ်များ

2 Samuel 1:20

Kik ihul wachni e Gath. Kik igo milome mare e wang’yore mag Ashkelon, dipo ka mond Filistia obedo mamor. Ee, dipo ka nyi joma kia Nyasayego obedo moil.

2 Samuel 21:22

Ji ang’wen-go duto ne jo-Refaim ma oganda joma rabede, to Daudi gi joge nonegogi duto.

2 Ruodhi 1:2

Chieng’ moro Ahazia nogore piny koa e dirisa mar gorofa mar ode man Samaria, mohinyore. Nooro joote mondo odhi openj Baal-zebub nyasach Ekron kata kobiro kwo.

2 Weche mag Ndalo 26:6

Uzia nodhi kedo gi jo-Filistia, momuko ohinga mar Gath gi mar Jabne kod mar Ashdod. Nogero mier e gweng’ Ashdod kod kuonde moko e piny Filistia.

Jeremia 25:20

Kaachiel gi jopinje mamoko modak kuomgi, gi ruodhi duto mag piny Uz, gi ruodhi duto mag miech Filistia, ma Ashkelon gi Gaza gi Ekron kod dir Ashdod modong’,

Tim jo-Lawi 5:7

Ka ng’ato odhier ma ok onyal yudo kata mana chiayo moro matin, to enokel ni Ruoth Nyasaye akuch odugla ariyo, kata nyithi akuru ariyo, kuom richo mosetimono. Akuru achiel notimgo misango mar golo richo, to machielo notimgo misango miwang’o pep.

Amos 1:6

Ruoth Nyasaye owacho niya, “Jo-Gaza osetimo richo mang’eny, omiyo abiro kumogi mak orem, nikech ne gikawo oganda ngima, mi giketo e lwet jo-Edom.

Amos 6:2

dhiuru uneye Kalne mi uchwe nyaka Hamath, eka ulor udhi Gath e piny jo-Filistia. Uparo ni uber moloyo jo-pinjego? Koso pinyu duong’ moloyo pinjegi?

Rapar mar Chik 28:27

“Ruoth Nyasaye biro goyou gi tuo buche mag Misri gi akuodi kendo gi kalanga kod gwonyo ma ok nyal thiedhi.

Jong’ad Bura 1:18

To jo-Juda ne ok okawo Gaza gi Ashkelon gi Ekron, kata gwengegi.

Jong’ad Bura 14:19

Eka Much Ruoth Nyasaye nolor kuom Samson gi teko, mi nodhi Ashkelon. Nonego ji piero adek kuno, mogonyo lepgi. Eka nokelo lewnigo momiyo joma ne ohulo tiend ngerono. Bang’e nodok dala, kokecho ahinya.

Jong’ad Bura 16:1

Chieng’ moro Samson nodhi Gaza, kuma noyudoe nyako moro ma jachode, moterorego.

Jong’ad Bura 16:21

Jo-Filistia nomake, motoko wang’e oko. Bang’e ne gitere Gaza, mi gitueye kuno gi tarege mag mula, kendo ne gikete jareg cham e od tuech.

1 Samuel 5:1

Kane jo-Filistia okawo Sanduk mar Nyasaye, ne gigole Ebenezer, mi gikele Ashdod.

1 Samuel 5:10

Omiyo ne gikowo sanduk mar Nyasaye Ekron. Kane ochopo Ekron, jo-Ekron noywak, kawacho niya, “Gisekelo Sanduk mar Nyasach Israel kuomwa mondo onegwa waduto.”

1 Samuel 5:8

Omiyo ne giluongo ruodhi duto mag jo-Filistia mondo gine ane gima ginyalo timo gi Sanduk mar Nyasach Israel. Jogo nodwokogi niya, “Goluru Sanduk mar Nyasach Israel, uter Gath.” Kuom mano, ne gigolo Sanduk mar Nyasach Israel, gitero kuno.

1 Samuel 6:4

To ne gimedo penjo niya, “En mich machal nadi monego wamiye?” Ne gidwoko niya, “Onego umiye gik moko abich mag dhahabu, maket gi buche mane okuodou, kaachiel gi oyieyo abich molos gi dhahabu, moromo kar kwan ruodhi mag jo-Filistia, nimar tho achiel ema nogoyou uduto, kaachiel gi ruodhi mau.