1 Samuel 6:15 - MUMA MALER 2015

¹⁵ Jo-Lawi noloro Sanduk mar Ruoth Nyasaye kod sanduk mane oting’o gik molos gi dhahabu mi giketogi ewi kidi mang’ongono. Chieng’no jo-Beth-shamesh notimo ni Ruoth Nyasaye misengni miwang’o pep, kod misengni mamoko.

Motingʼo Loko Manyien

¹⁵ Jo-Lawi noloro Sandug Muma mar Jehova Nyasaye kaachiel gi Sanduku manotingʼo gik molos gi dhahabu, mine giketogi ewi lwanda maduongʼ. Odiechiengʼno jo-Beth Shemesh nochiwo misango miwangʼo pep gi misengini mamoko ni Jehova Nyasaye.

1 Samuel 6:15 ပူးပေါင်းရင်းမြစ်များ

Joshua 15:10

Koa Baala, nochiko got Seir, mokadho yo nyandwat mar got Jearim, miluongo bende ni Kesalon, nyaka Beth-shemesh, mochopo Timna.

Joshua 3:3

ka ginyiso ji niya, “Kuneno ka jo-Lawi ma jodolo otelo e nyimu koting’o Sandug Muma mar Ruoth Nyasachu, eka un bende unuchak wuoth kuluwo Sanduk.

1 Samuel 6:18

To oyieyo molos gi dhahabu ne mag miech jo-Filistia, mane ruodhi abichgo rito. Ne gin mier mochiel gi ohinga, kod ma ok ochiel. Kidi mang’ongo mane giketoe Sanduk mar Ruoth Nyasaye obedo ranyisi e puoth Joshua ja-Bethshemesh nyaka chil kawuono.