1 Samuel 6:14 - MUMA MALER 2015

¹⁴ Gari nodonjo, mochung’ e puoth Joshua ja-Beth-shemesh, but kidi moro mang’ongo. Ne gibaro yiend gari, kendo ne gichiwo ni Ruoth Nyasaye dhogo ka misango miwang’o pep.

Motingʼo Loko Manyien

¹⁴ Gari nobiro nyaka e puoth Joshua ma ja-Beth Shemesh, modhi mochungʼ but lwanda maduongʼ. Ji nobaro yiend gari mi gichiwo dwesnigo ka misango miwangʼo pep ne Jehova Nyasaye.

1 Samuel 6:14 ပူးပေါင်းရင်းမြစ်များ

2 Samuel 24:18

Chieng’no Gad nodhi ir Daudi, mowachone ni, “Dhiyo kar dino mar Arauna ja-Jebus, igerie ni Ruoth Nyasaye kendo-mar-misango.”

2 Samuel 24:22

Arauna nowacho ni Daudi niya, “Ruoth, kaw akawa gimoro amora ma chunyi dwaro, ichiw ni Nyasaye. Ruedhi nitie minyalo timogo misango, kendo yien mag dino cham, kendo jok motue e ng’ut dhok, minyalo chwako.

2 Samuel 24:25

Eka nogero ni Ruoth Nyasaye kendo-mar-misango kanyono, motimoe misengni miwang’o pep, kod mag sawo. Ruoth Nyasaye nowinjo lemo ma nochiwne, kendo nogeng’o tho malitno mondo kik oneg jo-Israel.

1 Ruodhi 19:21

Mi Elisha noweyo lawe, modok okawo dhok ariyogo. Noyang’ogi motedogi gi yiend kwer, mi nomiyo joge mondo ocham. Eka nowuok moluwo Elija, kendo nodoko jatichne.

Wuok 20:24

Nyaka ulosna kendo-mar-misango mar lowo, kendo utimie misengni miwang’o pep, kod misengni mag sawo, mutimo gi rombu kod dhou. Kamoro amora ma achiko ni mondo ulamae, to anabie kendo naguedhue.

Jong’ad Bura 21:4

Kinyne gokinyi, ji nochiew chon, mogero kendo-mar-misango kanyo, mi gitimoe misengni miwang’o pep kod misengni mag sawo.

Jong’ad Bura 6:26

Eka iger ni Ruoth Nyasaye ma Nyasachi kendo-mar-misango maber mowinjore ewi pidhni. Kaw rwath machielo iwang’ kaachiel gi siro miseng’adono, ka misango miwang’o pep.”

1 Samuel 11:5

Noyudo ka Saulo donjo e dala koa puodho, ka sembo dho pur, mi kane owinjo ywak, nopenjo gima ji ywago. Eka ne ginyise wach jo-Jabesh.

1 Samuel 20:29

kowachona ni, ‘Asayi, yiena adhi, nikech joodwa timo misango dala, kendo owetena osechika mondo abedie. Emomiyo koro kiyiena, to we mondo adhi ane wetena.’ Mano emomiyo ok obiro mondo ochiem kodi.”

1 Samuel 6:13

Noyudo jo-Beth-shemesh kayo ngano e holo, kendo kane giting’o wang’gi, mi gineno Sanduk, ne gidoko mamor.

1 Samuel 6:18

To oyieyo molos gi dhahabu ne mag miech jo-Filistia, mane ruodhi abichgo rito. Ne gin mier mochiel gi ohinga, kod ma ok ochiel. Kidi mang’ongo mane giketoe Sanduk mar Ruoth Nyasaye obedo ranyisi e puoth Joshua ja-Bethshemesh nyaka chil kawuono.