1 Samuel 5:7 - MUMA MALER 2015

⁷ Kane jo-Ashdod oneno gima timore, ne giwacho niya, “Sanduk mar Nyasach jo-Israel kik bed e dierwa, nimar osandowa malit, kendo osando Dagon nyasachwa bende.”

Motingʼo Loko Manyien

⁷ Kane jo-Ashdod oneno gima ne timore, negiwacho niya, “Sandug Muma mar Nyasach jo-Israel kik bed kodwa ka, nikech lwete osesandowa kaachiel gi Dagon ma nyasachwa.”

1 Samuel 5:7 ပူးပေါင်းရင်းမြစ်များ

2 Samuel 6:9

Daudi noluoro Ruoth Nyasaye chieng’no, mowacho niya, “Kara Sanduk mar Ruoth Nyasaye ok onego bed e dalana.”

1 Weche mag Ndalo 15:13

Ruoth Nyasaye ma Nyasachwa ne omwomore kuomwa e kinde mokwongo, nikech ne ok untie mondo uting’ Sanduk, kendo nikech ne ok warite kaka owinjore.”

Wuok 10:7

Jodong Farao nowachone niya, “Ng’atni pod biro thagowa nyaka kar ang’o? We jo-Israel machwo odhi mondo olam Ruoth Nyasaye ma Nyasachgi. Donge koro ing’eyo ni Misri osekethore?”

Wuok 12:33

Jo-Misri norungo jo-Israel mondo oa e pinygi piyopiyo, ka giwacho niya, “Waduto wabiro tho ka ok ua.”

Wuok 8:28

Farao nodwokogi niya, “Abiro weyou udhi mondo utim misango ni Ruoth Nyasaye ma Nyasachu e thim, to mana ka ok udhi mabor ahinya. Omiyo koro kwanauru.”

Wuok 8:8

Farao koro noluongo Musa gi Harun mowachonigi niya, “Kwauru Ruoth Nyasaye mondo ogol ogwende oko kuoma, kendo kuom joga, eka awe jou oa mondo odhi otim misango ni Ruoth Nyasaye.”

Wuok 9:28

lamnwa Ruoth Nyasaye, nikech pe gi polo osegoyowa mohingo tekowa. Asingora ni abiro weyou mondo udhi ma ok urito gimoro kendo.”

Jeremia 46:25

Ruoth Nyasaye Manyalo Gik Moko Duto kendo ma Nyasach Israel wacho niya, “Abiro kumo Amon nyasach Thebes, kaachiel gi jo-Misri kod nyisechegi mamoko kod ruodhigi. Bende abiro kumo Farao gi ji duto mogeno kuome,

Jeremia 48:7

Ne ugeno kuom tekou gi mwanduu, to koro ibiro mako koda ka un, kendo Kemosh nyasachu ibiro ter e tuech, kaachiel gi jodonge kod jodolo mage.

1 Samuel 4:8

Yaye! Ng’ano ma noreswa e lwet nyiseche maratekegi? Gin nyiseche ma nosando jo-Misri gi masiche mayoreyore e thim.

1 Samuel 5:6

Ruoth Nyasaye nosando jo-Ashdod malich, mi luoro omakogi. Nogoyogi gi tuo mar buche, kendo oyieyo bende nopong’o pinygi.

1 Samuel 5:8

Omiyo ne giluongo ruodhi duto mag jo-Filistia mondo gine ane gima ginyalo timo gi Sanduk mar Nyasach Israel. Jogo nodwokogi niya, “Goluru Sanduk mar Nyasach Israel, uter Gath.” Kuom mano, ne gigolo Sanduk mar Nyasach Israel, gitero kuno.

1 Samuel 6:20

Eka jo-Beth-shemesh nowacho niya, “Onge ng’ama nyalo chung’ e nyim Ruoth Nyasaye, ma Nyasaye malerni! Ere kama dwatere mondo oa kuomwa?”